കൊറോണവൈറസ് ബാധയെ ലോകത്ത് ഏറ്റവും മികച്ച രീതിയിൽ പ്രതിരോധിച്ച രണ്ടു രാജ്യങ്ങളാണ് ഓസ്ട്രേലിയയും ന്യൂസിലാന്റും.
പുതിയ വൈറസ്ബാധയുടെ നിരക്ക് കുറഞ്ഞുകഴിഞ്ഞ സാഹചര്യത്തിൽ തുടർനടപടികൾ ഇരു രാജ്യങ്ങളും പരിശോധിച്ചു തുടങ്ങിയിരിക്കുകയാണ്.
ഇതേക്കുറിച്ച് ചർച്ച ചെയ്യാനായി ചൊവ്വാഴ്ച ചേരുന്ന ഓസ്ട്രേലിയൻ ദേശീയ ക്യാബിനറ്റ് യോഗത്തിലാണ് ന്യൂസിലാന്റ് പ്രധാനമന്ത്രി ജസീന്ത ആർഡനെ കൂടി ക്ഷണിച്ചത്.
ഈ ക്ഷണം ആർഡൻ സ്വീകരിച്ചിട്ടുമുണ്ട്.
പ്രധാനമന്ത്രിയും സംസ്ഥാന പ്രീമിയർമാരും വീഡിയോ കോൺഫറൻസിംഗ് വഴിയാണ് ദേശീയ ക്യാബിനറ്റിൽ പങ്കെടുക്കുന്നത്. ഇതിൽ ജസീന്ത ആർഡനും ചേരും
ഓസ്ട്രേലിയയ്ക്കും ന്യൂസിലന്റിനും ഇടയിലുള്ള യാത്ര കൂടുതൽ എളുപ്പമാക്കുന്ന തരത്തിലുള്ള ട്രാൻസ്-ടാസ്മാൻ ബബിളിനെക്കുറിച്ച് ഇതിൽ ചർച്ച ചെയ്യും.
ഓസ്ട്രേലിയൻ അതിർത്തി അടച്ചിട്ടിരിക്കുകയാണെങ്കിലും ന്യൂസിലന്റിൽ നിന്നുള്ളവർക്ക് പ്രവേശനം അനുവദിക്കുന്ന കാര്യം പരിഗണിക്കുന്നുണ്ട്.
കൊവിഡ്സേഫ് ആപ്പ് ന്യൂസിലന്റിലും നടപ്പാക്കുന്നതിനെക്കുറിച്ചും ചർച്ച ചെയ്യുന്നുണ്ടാകും.
ബ്രിട്ടീഷ് പ്രധാനമന്ത്രി ബോറിസ് ജോൺസനുമായും പ്രധാനമന്ത്രി സ്കോട്ട് മോറിസൻ ടെലിഫോണിൽ സംസാരിച്ചിരുന്നു.
നിയന്ത്രണങ്ങൾ ഇളവു ചെയ്യുന്നതിനെക്കുറിച്ചും, സാമ്പത്തികരംഗം തുറക്കുന്നതിനെക്കുറിച്ചും ഇരു നേതാക്കളും ചർച്ച ചെയ്തു.
People in Australia must stay at least 1.5 metres away from others. Check your state’s restrictions on gathering limits.
Testing for coronavirus is now widely available across Australia. If you are experiencing cold or flu symptoms, arrange a test by calling your doctor or contact the Coronavirus Health Information Hotline on 1800 020 080.
The federal government's coronavirus tracing app COVIDSafe is available for download from your phone's app store.
SBS is committed to informing Australia’s diverse communities about the latest COVID-19 developments. News and information is available in 63 languages at sbs.com.au/coronavirus.
