ക്വീൻസ്ലാൻഡിൽ ടാക്സി ഡ്രൈവറാകാൻ ഇംഗ്ലീഷ് ഭാഷ പരീക്ഷയിൽ വിജയിക്കേണ്ടത് അനിവാര്യമായിരുന്നു. 35 ലേറെ ടാക്സികൾ ഓടുന്ന 'മേജർ ടാക്സി' മേഖലകളിലായിരുന്നു ഈ പരീക്ഷ നിർബന്ധിതമായിരുന്നത്.
ഇതാണ് സംസ്ഥാന സർക്കാർ കഴിഞ്ഞ ദിവസം നിറുത്തലാക്കിയിരിക്കുന്നത്.
കൂടാതെ, പ്രധാന മേഖലകളിൽ ടാക്സി ഓടിക്കണമെങ്കിൽ അവിടത്തെ റോഡുകളും മറ്റു ഭൂമിശാസ്ത്ര പ്രത്യേകതകളും മനസിലാക്കുന്നതിനുള്ള പരിശീലനവും പരീക്ഷയും പൂർത്തിയാക്കണമായിരുന്നു. ഇതും സർക്കാർ നിർത്തലാക്കിയിട്ടുണ്ട്.
എന്നാൽ, ക്വീൻസ്ലാൻഡ് സർക്കാരിൻറെ ഈ തീരുമാനത്തോട് ടാക്സി കൌൺസിൽ വിയോജിപ്പ് അറിയിച്ചു.
ഊബർ ടാക്സി നിയമവിധേയമാക്കിയതിന്റെ പിന്നാലെയുള്ള ഈ തീരുമാനം, മതിയായ ആലോചനയിലാതെ സ്വീകരിച്ചതാണെന്നും, ഇതുമൂലം ടാക്സി മേഖലയുടെ നിലവാരം കുറയുമെന്നും ക്വീൻസ്ലാൻഡിലെ ടാക്സി കൌൺസിൽ സി ഇ ഓ ബെഞ്ചമിൻ വാഷ് മുന്നറിയിപ്പ് നൽകി.
Share
