മലേറിയയ്ക്കും ഓട്ടോ ഇമ്മ്യൂണ്‍ രോഗങ്ങള്‍ക്കുമെതിരെ ഉപയോഗിക്കുന്ന മരുന്നായ ഹൈഡ്രോക്‌സി ക്ലോറോക്വിന് കൊറോണവൈറസിനെ പ്രതിരോധിക്കുമെന്ന് പ്രസ്താവന നടത്തിയ അമേരിക്കന്‍ പ്രസിഡന്റ് ഡോണള്‍ഡ് ട്രംപ്, ഒന്നര ആഴ്ചയായി അതു കഴിക്കുന്നതായും വെളിപ്പെടുത്തിയിരുന്നു.
കൊറോണ വൈറസിനെതിരെ ഈ മരുന്ന് അധിക സുരക്ഷ നല്‍കുന്നു എന്നവകാശപ്പെട്ടാണ് ട്രംപ് അത് കഴിക്കുന്നത്.
മരുന്നിന്റെ പാര്‍ശ്വവശങ്ങളെക്കുറിച്ച് അമേരിക്കയിലെ ഫുഡ് ആന്റ് ഡ്രഗ് അഡ്മിനിസ്‌ട്രേഷന്‍ വിഭാഗം മുന്നറിയിപ്പ് നല്‍കിയിരുന്നു. അത് അവഗണിച്ചാണ് വൈറ്റ് ഹൗസ് ഫിസിഷ്യനില്‍ നിന്ന് ട്രംപ് ഈ മരുന്നിനുള്ള നിര്‍ദ്ദേശം വാങ്ങിയത്.
ട്രംപ് അവകാശപ്പെടുന്നതുപോലുള്ള ഫലം ഈ മരുന്നിനുണ്ടോ എന്ന് കണ്ടെത്തുന്നതിനു വേണ്ടിയാണ് ഓസ്‌ട്രേലിയയിലും ഇത് പരീക്ഷിക്കുന്നത്.
മെല്‍ബണിലെ വോള്‍ട്ടര്‍ ആന്റ് എലിസബത്ത് ഹാള്‍ ഇന്‍സ്റ്റിറ്റ്യൂട്ട് ഓഫ് മെഡിക്കല്‍ റിസര്‍ച്ചിലെ ഗവേഷകര്‍, കൊവിഡ് പ്രതിരോധ രംഗത്ത് പ്രവര്‍ത്തിക്കുന്ന ആരോഗ്യ പ്രവര്‍ത്തകരിലായിരിക്കും മരുന്ന് പരീക്ഷിക്കുക.
Donald Trump talks to reporters. Source: Getty
പഠനത്തിന് തയ്യാറായ 2,250 ആരോഗ്യമേഖലാ ജീവനക്കാരോട് ഇന്‍സ്റ്റിറ്റ്യൂട്ട് തേടുന്നത്.
മരുന്ന് കൊറോണവൈറസിനെ പ്രതിരോധിക്കാന്‍ ഫലപ്രദമാകും എന്നതിന് ഇതുവരെയും തെളിവുകളൊന്നുമില്ലെന്ന് ഗവേഷണവിഭാഗം മേധാവി മാര്‍ക്ക് പെല്ലെഗ്രിനി പറഞ്ഞു.
അതുകൊണ്ടാണ് പരീക്ഷണം നടത്തുന്നതെന്നും അദ്ദേഹം ചൂണ്ടിക്കാട്ടി.
ടെസ്റ്റ് ട്യൂബില്‍ നടത്തിയ പരീക്ഷണത്തില്‍, കൊവിഡ്-19 വൈറസ് പെരുകുന്നത് തടയാന്‍ ഹൈഡ്രോക്‌സി ക്ലോറോക്വിന് കഴിയുമെന്ന് വ്യക്തമായിട്ടുണ്ട്.
എന്നാല്‍ മനുഷ്യശരീരത്തിലും ഇതുപോലെ പ്രവര്‍ത്തിക്കുമോ എന്ന കാര്യം വ്യക്തമല്ല.
കൊവിഡ്-19 രോഗത്തിനുള്ള ചികിത്സ എന്ന രീതിയിലാണ് പല മാധ്യമങ്ങളും ഇക്കാര്യം റിപ്പോര്‍ട്ട് ചെയ്യുന്നതെന്നും, എന്നാല്‍ ഈ പരീക്ഷണം വ്യത്യസ്തമാണെന്നും പ്രൊഫസര്‍ പെല്ലെഗ്രിനി എസ് ബി എസിനോട് പറഞ്ഞു.
'വൈറസ് ബാധിക്കുന്നത് തടയാന്‍ ഈ മരുന്ന് സഹായിക്കുമോ എന്ന് മാത്രമാണ് പരീക്ഷണം.'
പരീക്ഷണം നടത്തുന്നത് ഇങ്ങനെ
ആറു മുതല്‍ എട്ടു മാസം വരെയായിരിക്കും പരീക്ഷണ കാലാവധി.
പരീക്ഷണത്തില്‍ പങ്കെടുക്കുന്നവരില്‍ പകുതി പേര്‍ക്ക് എല്ലാ ദിവസവും ഈ ഗുളിക നല്‍കും.
ബാക്കിയുള്ളവര്‍ക്ക് HCQ ന്‌റെ സമാനരൂപത്തിലുള്ള പഞ്ചസാര ഗുളികകളും നല്‍കും. ഏതാണ് യഥാര്‍ത്ഥ മരുന്നെന്ന് കഴിക്കുന്നവര്ക്ക് അറിയാന്‍ കഴിയില്ല.
ഇരുവിഭാഗത്തിലുമുള്ളവര്‍ക്കുള്ള വൈറസ്ബാധയുടെ സാഹചര്യമായിരിക്കും ഈ കാലാവധിയില്‍ പരിശോധിക്കുക.
എന്നാല്‍, ഈ പരീക്ഷണത്തില്‍ ഉള്‍പ്പെടാത്ത ആരോഗ്യപ്രവര്‍ത്തകര്‍ ഇപ്പോള്‍ ഹൈഡ്രോക്‌സി ക്ലോറോക്വിന് കഴിക്കരുതെന്നും പ്രൊഫ. പെല്ലെഗ്രിനി മുന്നറിയിപ്പ് നല്‍കി.
ശ്രദ്ധാകേന്ദ്രമായി ഇന്ത്യ
ഹൈഡ്രോക്‌സി ക്ലോറോക്വിനു വേണ്ടി ഏപ്രിലില്‍ ഡോണള്‍ഡ് ട്രംപ് ഇന്ത്യക്കു മേല്‍ സമ്മര്‍ദ്ദം ചെലുത്തിയപ്പോഴായിരുന്നു ഈ മരുന്ന് ആദ്യം ലോകശ്രദ്ധയില്‍ വന്നത്.
കൊവിഡ് പ്രതിരോധത്തിന്റെ ഗതി തന്നെ മാറ്റുന്ന അത്ഭുത മരുന്ന് എന്നായിരുന്നു ട്രംപ് ഇതിനെ വിശേഷിപ്പിച്ചത്.
Production of hydroxychloroquine has increased in India since Donald Trump's endorsement. Source: AAP
ഇതിന്റെ ഏറ്റവും വലിയ ഉത്പാദകര്‍ ഇന്ത്യയാണ്. ലോകത്തെ HCQ ഉത്പാദനത്തിന്റെ 70 ശതമനവും ഇന്ത്യയിലാണ്.
അതിനാലാണ് ഇന്ത്യന്‍ നിയമങ്ങളില്‍ മാറ്റം വരുത്തി മരുന്ന് കയറ്റി അയക്കണം എന്ന് ട്രംപ് ഇന്ത്യയോട് ആവശ്യപ്പെട്ടത്.
കയറ്റുമതി നിയമങ്ങളില്‍ മാറ്റം വരുത്തിയ ഇന്ത്യ, അമേരിക്കക്ക് അത് നല്‍കുകയും ചെയ്തിരുന്നു.
People in Australia must stay at least 1.5 metres away from others. Check your state’s restrictions on gathering limits.
Testing for coronavirus is now widely available across Australia. If you are experiencing cold or flu symptoms, arrange a test by calling your doctor or contact the Coronavirus Health Information Hotline on 1800 020 080.
The federal government's coronavirus tracing app COVIDSafe is available for download from your phone's app store.
SBS is committed to informing Australia’s diverse communities about the latest COVID-19 developments. News and information is available in 63 languages at sbs.com.au/coronavirus
