മെൽബണിൽ നാലാം ഘട്ട നിയന്ത്രണം നീട്ടിയെങ്കിലും വിക്ടോറിയയുടെ ഉൾനാടൻ പ്രദേശങ്ങളിൽ നിയന്ത്രണങ്ങളിൽ ഇളവ് വരുത്തി.
പബുകളും, കഫേകളും, സലൂണുകളും, കാരവൻ പാർക്കുകളുമെല്ലാം ഇവിടെ വ്യാഴാഴ്ച മുതൽ തുറന്ന് പ്രവർത്തിക്കാൻ തുടങ്ങി. കൂടാതെ ജനങ്ങൾക്ക് വീടുകളിൽ നിന്ന് പുറത്തിറങ്ങുന്നതിലും നിയന്ത്രണങ്ങൾ ഇല്ല.
എന്നാൽ മെൽബണിൽ ഇപ്പോഴും നിയന്ത്രണം നിലനിൽക്കുന്നതിനാൽ അനുവദനീയമായ കാരണങ്ങൾ ഇല്ലാതെ മെൽബണിൽ ഉള്ളവർക്ക് ഇവിടേക്ക് പ്രവേശിക്കാൻ അനുവാദമില്ല.
നിയമം ലംഘിച്ച് ഉൾപ്രദേശങ്ങളിലേക്ക് പ്രവേശിക്കുന്നവരിൽ നിന്ന് 4,957 ഡോളർ പിഴ ഈടാക്കുമെന്ന് വിക്ടോറിയൻ പൊലീസിലെ റീജിയണൽ ഓപ്പറേഷൻസ് ഡെപ്യൂട്ടി കമ്മീഷണർ റിക്ക് ന്യൂജന്റ് പറഞ്ഞു.
ഒന്നിൽ കൂടുതൽ പേർ ഒരുമിച്ചാണ് എത്തുന്നതെങ്കിൽ, ഓരോരുത്തരും 4,957 ഡോളർ വീതം പിഴ അടയ്‌ക്കേണ്ടി വരുമെന്ന് ന്യൂജെന്റ് പറഞ്ഞു. പിഴയീടാക്കുക മാത്രമല്ല ഇവരെ മടക്കി അയയ്ക്കുകയും ചെയ്യുമെന്നും പോലീസ് അറിയിച്ചു.
ഉൾപ്രദേശങ്ങളിൽ ഇനിയും വൈറസ് പടരാൻ അനുവദിക്കില്ലെന്നും മെൽബണിലുള്ളവർ പ്രത്യേകിച്ചും സ്കൂൾ അവധി സമയത്ത് ഇവിടേക്ക് പ്രവേശിക്കുന്നത് തടയാൻ പോലീസ് പ്രവർത്തന സജ്ജമായിരിക്കുമെന്നും ന്യൂജന്റ് പറഞ്ഞു.
ജനങ്ങൾ ഉൾപ്രദേശങ്ങളിലേക്കുള്ള അതിർത്തി കടക്കുന്നത് തടയാൻ ചെക്ക്പോയിന്റുകളിൽ പോലീസ് പരിശോധന കർശനമാക്കും. കൂടാതെ പൊതുഗതാഗത സംവിധാനങ്ങളിലും പരിശോധനകൾ വർധിപ്പിക്കുമെന്നും പോലീസ് അറിയിച്ചിട്ടുണ്ട്.
വിക്ടോറിയയുടെ ഉൾപ്രദേശങ്ങളിൽ പത്ത് പേർക്ക് വരെ ഒത്തുകൂടാനും, അഞ്ച് പേർക്ക് വരെ ഒരു വീട് സന്ദർശിക്കാനും അനുവാദം നൽകും വിധത്തിൽ നിയന്ത്രണങ്ങളിൽ ഇളവ് വരുത്തിയിട്ടുണ്ട്.
Metropolitan Melbourne residents are subject to Stage 4 restrictions and must comply with a curfew between the hours of 9pm and 5am. During the curfew, people in Melbourne can only leave their house for work, and essential health, care or safety reasons.
Between 5am and 9pm, people in Melbourne can leave the home for exercise, to shop for necessary goods and services, for work, for health care, or to care for a sick or elderly relative. The full list of restrictions can be found here.
All Victorians must wear a face covering when they leave home, no matter where they live.
People in Australia must stay at least 1.5 metres away from others. Check your state’s restrictions on gathering limits. If you are experiencing cold or flu symptoms, stay home and arrange a test by calling your doctor or contact the Coronavirus Health Information Hotline on 1800 020 080. News and information is available in 63 languages at sbs.com.au/coronavirus.
