ഫസ്റ്റ് ഹോം ബയേഴ്‌സ് അഥവാ ആദ്യ വീടു വാങ്ങുന്നവർക്കാണ് ഈ ആനുകൂല്യം ലഭ്യമാകുക. പുതുതായി ഒരു വീട് സ്വന്തമാക്കാൻ പദ്ധതിയിടുന്നവർക്ക് ഇത് സഹായകരമാകുമെന്ന് പ്രീമിയർ പറഞ്ഞു.
നിലവിൽ പുതുതായി നിർമിച്ച $5,50000 വരെയുള്ള വീടുകൾ വാങ്ങുവന്നവരെ മാത്രമേ സ്റ്റാമ്പ് ഡ്യൂട്ടിയിൽ നിന്നും ഒഴിവാക്കിയിരുന്നുള്ളു.
എന്നാൽ, പുതിയ നിയമ പ്രകാരം $6,50,000 വരെ വിലമതിക്കുന്ന എക്സിസ്റ്റിങ് ഹോംസ് അഥവാ പണിത വീടുകൾ വാങ്ങുന്ന ഫസ്റ്റ് ഹോം ബയേഴ്‌സിനും ഇനി സ്റ്റാമ്പ് ഡ്യൂട്ടി നൽകേണ്ടതില്ല.
കൂടാതെ, $8,00,000 വരെ വിലമതിക്കുന്ന ആദ്യ വീടു വാങ്ങുന്നവർക്ക് സ്റ്റാമ്പ് ഡ്യൂട്ടിയിൽ ഇളവും സർക്കാർ പ്രഖ്യാപിച്ചിട്ടുണ്ട്. ഈ മാറ്റങ്ങൾ ജൂലൈ ഒന്ന് മുതൽ പ്രാബല്യത്തിൽ വരും.
അതേസമയം, വിദേശ നിക്ഷേപകർ നൽകേണ്ട ഭൂമിയുടെ നികുതിക്കുമേലുള്ള വാർഷിക സർചാർജ് ഇരട്ടിയായി വർധിപ്പിക്കാൻ സർക്കാർ തീരുമാനിച്ചു. നിലവിൽ ഇവർക്ക് .75 ശതമാനം മാത്രം നികുതി നക്കിയാൽ മതി. എന്നാൽ ഇത് രണ്ടു ശതമാനാമാമായാണ് ഉയർത്തിയിരിക്കുന്നത് . ഇതും ജൂലൈ ഒന്ന് മുതൽ പ്രാബല്യത്തിൽ വരുമെന്ന് പ്രീമിയർ ഗ്ലാഡിസ് അറിയിച്ചു.
