കൊറോണവൈറസ് നിയന്ത്രണങ്ങളിൽ ഇളവുകൾ നടപ്പിലാക്കിയതിന് പിന്നാലെയാണ് ന്യൂ സൗത്ത് വെയിൽസിൽ പൊതുഗതാഗത സംവിധാനങ്ങൾ ഉപയോഗിക്കുന്നതിന് പുതിയ നിന്ത്രണങ്ങൾ കൊണ്ടുവന്നത്.
പൊതുഗതാഗത സംവിധാനങ്ങളിൽ സാമൂഹിക അകലം പാലിക്കാതെ കൂടുതൽ പേർ ഒരേസമയം കയറുന്നത് ഒഴിവാക്കുന്നതിന് വേണ്ടിയാണ് ഇത്.
പുതിയ നിർദ്ദേശങ്ങൾ പ്രകാരം, 12 പേർക്ക് മാത്രമേ ഒരു ബസ്സിൽ യാത്ര ചെയ്യാൻ കഴിയൂ. ഡ്രൈവർക്കാകും ഇത് ഉറപ്പാക്കാനുള്ള ഉത്തരവാദിത്വം.
കൂടാതെ ട്രെയിനിന്റെ ഒരു കാരിയറിൽ 32 പേരെ മാത്രമേ അനുവദിക്കൂ എന്നും പുതിയ നിർദ്ദേശത്തിൽ പറയുന്നു.
ട്രെയ്‌നിലെയും ബസിലെയുമെല്ലാം തിരക്ക് കുറയ്ക്കുകയും രോഗവ്യാപനം തടയുകയുമാണ് ഇതുകൊണ്ട് ലക്ഷ്യമിടുന്നതെന്ന് ഗതാഗത മന്ത്രി ആൻഡ്രൂ കോൺസ്റ്റൻസ് പറഞ്ഞു.
മാത്രമല്ല, ഒരു ബസിൽ 12 യാത്രക്കാർ എന്ന നിയന്ത്രണം തെറ്റിച്ച് പതിമൂന്നാമതൊരാൾ കയറിയാൽ ബസ് ഓടാൻ അനുവദിക്കില്ലെന്നും ന്യൂ സൗത്ത് വെയിൽസ് പൊലീസ് ഡെപ്യൂട്ടി കമ്മീഷണർ ഗാരി വർബോയ്സ് വ്യക്തമാക്കി.
ബസിനും ട്രെയിനിനും പുറമെ ഫെറിയിൽ യാത്ര ചെയ്യുന്നതിനും നിയന്ത്രണങ്ങൾ ഏർപ്പെടുത്തിയിട്ടുണ്ട്. 245 പേർക്ക് മാത്രമേ ഒരേസമയം ഫെറിയിൽ യാത്ര ചെയ്യാൻ അനുമതിയുള്ളു.
കൂടാതെ യാത്രക്കാരെ സാമൂഹിക നിയന്ത്രണം പാലിക്കൽ ഓർമപ്പെടുത്താനായി സീറ്റുകളിൽ പച്ച നിറത്തിലുള്ള സ്റ്റിക്കറുകൾ ഒട്ടിക്കും.
ഇതിന് പുറമെ പൊതുഗതാഗത സംവിധാനങ്ങളിൽ ഡ്രൈവർമാർക്ക് നേരെയുണ്ടാകുന്ന അധിക്ഷേപങ്ങളും ആക്രമണങ്ങളും തടയാൻ കൂടുതൽ പൊലീസുകാരെ വിന്യസിപ്പിക്കാനും തീരുമാനിച്ചിട്ടുണ്ട്.
സംസ്ഥാനത്തുള്ളവർ തിരക്കുള്ള സമയങ്ങളിൽ പൊതുഗതാഗത സംവിധാനങ്ങൾ ഉപയോഗിക്കുന്നത് ഒഴിവാക്കണമെന്നും ജോലിക്കും മറ്റും ഡ്രൈവ് ചെയ്തോ, സൈക്കിളിലോ പോകാൻ ശ്രമിക്കണമെന്നും പ്രീമിയർ ഗ്ലാഡിസ് ബെറജക്ലിയൻ അറിയിച്ചു.
ഇതിനായി സിഡ്നി നഗരത്തിലും മൂർ പാർക്കിലുമായി കൂടുതൽ പോപ്പ് അപ് കാർ പാർക്കുകളും അധിക ബൈക്ക് ലെയ്‌നുകളും അനുവദിക്കാനാണ് സംസ്ഥാന സർക്കാരിന്റെ പദ്ധതി.
സംസ്ഥാനത്ത് 10 കിലോമീറ്ററിലേറെ ബൈക്ക് ലെയ്നുകൾ നിർമ്മിക്കാൻ നാല് മില്യൺ ഡോളർ ചെലവഴിക്കുമെന്ന് കോൺസ്റ്റൻസ് അറിയിച്ചു.
People in Australia must stay at least 1.5 metres away from others. Check your state’s restrictions on gathering limits.
Testing for coronavirus is now widely available across Australia. If you are experiencing cold or flu symptoms, arrange a test by calling your doctor or contact the Coronavirus Health Information Hotline on 1800 020 080.
The federal government's coronavirus tracing app COVIDSafe is available for download from your phone's app store.
SBS is committed to informing Australia’s diverse communities about the latest COVID-19 developments. News and information is available in 63 languages at sbs.com.au/coronavirus.
