കഴിഞ്ഞ സെപ്റ്റംബറിൽ പുറത്തിറക്കിയ അഞ്ചു ഡോളര് നോട്ടിന് സമാനമായ ഡിസൈൻ ആണ് പുതിയ $10 ന്റെ നോട്ടിനുമുള്ളത്.
നോട്ടിന്റെ മധ്യഭാഗത്തായി മുകളില് നിന്നും താഴെ വരെ നീളുന്ന സുതാര്യമായ ഒരു ഭാഗം ഉണ്ടാകും. നോട്ടു ചരിച്ചുപിടിക്കുമ്പോള് ഇതിലുള്ള നിറങ്ങളില് മാറ്റം വരുന്ന തരത്തിലാണ് ഡിസൈന്.
വ്യാജ നോട്ടുകൾ നിർമിക്കുന്നത് തടയുക എന്ന ലക്ഷ്യത്തോടെയാണ് ഇത്തരത്തിൽ രൂപകൽപന ചെയ്തിരിക്കുന്നത് . മാത്രമല്ല, കാഴ്ചക്കുറവുള്ളവര്ക്ക് തിരിച്ചറിയാൻ സഹായിക്കുന്നതിനായി പുതിയ സവിശേഷതകളും നോട്ടിൽ ഉൾപ്പെടുത്തിയിട്ടുണ്ട്.
സെപ്റ്റംബറോടെ ആകും പുതിയ നോട്ട് പ്രചാരത്തിൽ വരുകയെന്ന് ആർ ബി എ ഗവർണ്ണർ ഫിലിപ്പ് ലോവ് അറിയിച്ചു.
നിലവിലെ നോട്ടിലുള്ള ഓസ്ട്രേലിയന് എഴുത്തുകാരായ ഡാമേ മേരി ഗിൽമോർ, എ ബി 'ബാൻജോ' പാറ്റേഴ്സൺ എന്നിവരുടെ ചിത്രങ്ങൾ പുതിയ നോട്ടിന്റെ ഇരുവശത്തും നിലനിറുത്തിയിട്ടുണ്ട്.
കൂടാതെ ഒരു ഫൗണ്ടന് പേനയുടെ മുനയുടെ ചിത്രവും ഓസ്ട്രേലിയൻ കവി എ ബി 'ബാൻജോ' പാറ്റേഴ്സൺറെ കവിതകളും നോട്ടിലെ വിൻഡോയിൽ രേഖപ്പെടുത്തും.
പാറ്റേഴ്സൺറെ പ്രശസ്ത കവിതയായ ദി സ്നോയി റിവറിനെ പ്രതിപാദിക്കുന്ന കുതിരക്കാരന്റെയും, ബില്ലബോങ്, ഹോംസ്റ്റഡ് എന്നിവയുടെയും ചിത്രങ്ങളും പുതിയ നോട്ടിന്റെ രൂപകല്പനയിൽ കാണാം .
കൂടാതെ, Bramble Wattle (Acacia victoriae) എന്ന ഇലയുടെയും Sulphur-crested Cockatoo (Cacatua galerita) എന്ന പക്ഷിയുടെയും ചിത്രങ്ങളും ഇതിൽ ഉൾപ്പെടുത്തിയിട്ടുണ്ട് .
പുതിയ വാർത്തകൾക്കും വിശേഷങ്ങൾക്കും എസ് ബി എസ് മലയാളം ഫേസ്ബുക് പേജ് ലൈക് ചെയ്യുക
