രാജ്യത്ത് ഡോക്ടർമാർ ഏറ്റവുമധികം നിർദേശിക്കുന്ന മരുന്നുകളുടെ വില കുറയ്ക്കാൻ സർക്കാർ മുന്നോട്ടു വച്ച നിർദേശം കഴിഞ്ഞ വർഷം ഫെഡറൽ പാർലമെന്റ് പാസ്സാക്കിയിരുന്നു. സർക്കാരിൻറെ ഫാർമസി ആൻഡ് ഫാർമസൂട്ടിക്കൾ ബെനിഫിറ്റ് സ്കീമിലെ ഈ മാറ്റങ്ങളുടെ അടിസ്ഥാനത്തിലാണ് ഈ ആഴ്ച മുതൽ വിലയിടിവ് പ്രാബല്യത്തിൽ വന്നത്.
ലുക്കീമിയ മുതൽ ഹൃദയ സംബന്ധമായ രോഗങ്ങൾക്കടക്കമുള്ള 400-ൽ പരം മരുന്നുകൾക്ക് ശരാശരി $20 ഡോളർ വരെയാകും വില കുറയുക. ഇതിൽ കൊളസ്ട്രോളിനും രക്ത സമ്മർദ്ദത്തിനുമുള്ള മരുന്നുകളും ഉൾപ്പെടും. ചില മരുന്നുകൾക്ക് 60 ശതമാനം വരെ വില കുറയുമെന്നാണ് റിപ്പോർട്ടുകൾ.
മരുന്നുകളുടെ പേറ്റൻറ് കാലാവധി പൂർത്തിയാകുന്ന മുറയ്ക്ക് അവയുടെ വില കുറയ്ക്കാനുള്ള നിർദ്ദേശമാണ് പാർലമെൻറ് പാസാക്കിയത്.
ഈ തീരുമാനം ഗുരുതരരോഗങ്ങൾ മൂലം ബുദ്ധിമുട്ടുന്ന സാധാരണക്കാരുടെ കുടുംബങ്ങൾക്ക് ഒരാസ്വാസമാകുമെന്നു ആരോഗ്യ മന്ത്രി സൂസൻ ലെ അഭിപ്രായപ്പെട്ടു.
ഇനി മുതൽ ഓരോ തവണ മരുന്നു വാങ്ങുമ്പോഴും ഉണ്ടാകുന്ന ലാഭം ഇങ്ങനെ:
Leukaemia: $300.69
Crohn's disease: $244.50
Cardiovascular disease: $143.83
High blood pressure/high cholesterol : $23.05
Heart conditions: $21.49
Osteoarthritis: $7.30
Gastrointestinal disease: $4.51
