വിക്ടോറിയയില്‍ ദുരന്ത സാഹചര്യം പ്രഖ്യാപിച്ചതിനു പിന്നാലെയാണ് ഐസൊലേഷനില്‍ പോകേണ്ടി വരുന്നവര്‍ക്കായി ഫെഡറല്‍ സര്‍ക്കാര്‍ സാമ്പത്തിക പദ്ധതി പ്രഖ്യാപിച്ചത്.
കൊവിഡ് ബാധ കൊണ്ടോ, രോഗബാധിതരുമായി സമ്പര്‍ക്കത്തില്‍ വന്നതുകൊണ്ടോ, അല്ലെങ്കില്‍ ആരോഗ്യവകുപ്പ് നിര്‍ദ്ദേശിച്ചതുകൊണ്ടോ സ്വയം ഐസൊലേഷനില്‍ പോകേണ്ടി വരുന്നവര്‍ക്ക്, മെഡിക്കല്‍ ലീവ് ലഭ്യമല്ലെങ്കില്‍ സാമ്പത്തിക സഹായം നല്‍കുന്നതാണ് പദ്ധതി.
രണ്ടാഴ്ചയില്‍ 1,500 ഡോളറായിരിക്കും പാന്‍ഡിമിക് ലീവ് ഡിസാസ്റ്റര്‍ പേയ്‌മെന്റ് എന്ന പേരില്‍ നല്കുക.
വിക്ടോറിയ ദുരന്ത ബാധിത പ്രദേശമായി പ്രഖ്യാപിച്ചതുകൊണ്ടാണ് ഈ സഹായം നല്‍കുന്നതെന്നും, മറ്റു സംസ്ഥാനങ്ങള്‍ക്ക് ഇത് ലഭ്യമല്ല എന്നുമായിരുന്നു പദ്ധതി പ്രഖ്യാപിക്കുമ്പോള്‍ പ്രധാനമന്ത്രി അറിയിച്ചത്.
എന്നാല്‍, ദേശീയ തലത്തില്‍ ഇത് നടപ്പാക്കണമെന്ന് യൂണിയനുകളും ലേബര്‍ പാര്‍ട്ടിയും ആവശ്യപ്പെട്ടിരുന്നു.
രോഗലക്ഷണങ്ങളുള്ളപ്പോഴും, കൊവിഡ് പരിശോധനയ്ക്ക് ശേഷം ഫലം കാത്തിരിക്കുമ്പോഴുമെല്ലാം മെഡിക്കല്‍ ലീവ് ലഭ്യമല്ലാത്തവര്‍ ജോലിക്ക് പോകാന്‍ സാധ്യതയുണ്ടെന്നും, ഇതിലെ അപകട സാധ്യത സര്‍ക്കാര്‍ മുന്‍കൂട്ടി കാണണമെന്നും യൂണിയനുകള്‍ ചൂണ്ടിക്കാട്ടി.
ഇതിനു പിന്നാലെയാണ്, വേണമെങ്കില്‍ മറ്റു സംസ്ഥാനങ്ങള്‍ക്കും പദ്ധതിയുടെ ഭാഗമാകാമെന്ന് പ്രധാനമന്ത്രി സ്‌കോട്ട് മോറിസന്‍ വ്യക്തമാക്കിയത്.
'മറ്റേതെങ്കിലും സംസ്ഥാനത്തിനോ ടെറിട്ടറിക്കോ ഈ പദ്ധതി നടപ്പാക്കണമെങ്കില്‍, അവരുമായും അതിനായി ധാരണയുണ്ടാക്കാന്‍ തയ്യാറാണ്' അദ്ദേഹം സെവന്‍ ന്യൂസിന്റെ സണ്‍റൈസ് പ്രോഗ്രാമിനോട് പറഞ്ഞു.
സഹായം താല്‍ക്കാലിക വിസയിലുള്ളവര്‍ക്കും
ഓസ്‌ട്രേലിയയില്‍ താല്‍ക്കാലിക തൊഴില്‍വിസകളിലുള്ളവര്‍ക്കും സാമ്പത്തിക സഹായം ലഭ്യമാകുന്ന പദ്ധതിയാണ് വിക്ടോറിയയില്‍ പ്രഖ്യാപിച്ചിരിക്കുന്നത്.
വിക്ടോറിയന്‍ സര്‍ക്കാരും ഫെഡറല്‍ സര്‍ക്കാരുമായുണ്ടാക്കിയ ധാരണ പ്രകാരം, താല്‍ക്കാലിക വിസകളിലുള്ളവര്‍ക്ക് സംസ്ഥാന സര്‍ക്കാരാകും ഈ പാന്‍ഡമിക് ലീവ് ആനുകൂല്യം നല്കുക.
ഓസ്‌ട്രേലിയന്‍ പൗരന്‍മാര്‍ക്കും റെസിഡന്റുമാര്‍ക്കും ഫെഡറല്‍ സര്‍ക്കാരും ഇത് നല്‍കും.
സമാനമായ രീതിയിലെ കരാര്‍ മറ്റു സംസ്ഥാനങ്ങള്‍ക്കും ഉണ്ടാക്കാമെന്ന് സാമൂഹ്യ സേവന മന്ത്രി ആന്‍ റസ്റ്റണ്‍ പറഞ്ഞു.
ഫോണ്‍ വഴി അപേക്ഷിക്കാം
കാട്ടുതീയും പ്രളയവും പോലുള്ള ദുരന്ത സമയങ്ങളില്‍ നല്കുന്നതുപോലെ, ഫോണ്‍ വഴി അപേക്ഷിച്ചാല്‍ ഈ സഹായം ലഭ്യമാകുന്ന പദ്ധതിയാണ് വിക്ടോറിയയില്‍ പ്രഖ്യാപിച്ചത്.
180 22 66 എന്ന നമ്പരില്‍ വിളിച്ച് പെയിഡ് പാന്‍ഡമിക് ലീവിനായി അപേക്ഷിക്കാം
അതിവേഗത്തില്‍ ഇതില്‍ തീരുമാനമെടുക്കുമെന്നും പ്രധാനമന്ത്രി അറിയിച്ചിരുന്നു.
ഒന്നിലേറെ തവണ ഐസൊലേഷനില്‍ പോകേണ്ടവര്‍ക്ക്, ഓരോ തവണയും ഈ ആനുകൂല്യം ലഭ്യമാകുകയും ചെയ്യും.
Metropolitan Melbourne residents are subject to Stage 4 restrictions and must comply with a curfew between the hours of 8pm and 5am. During the curfew, people in Melbourne can only leave their house for work, and essential health, care or safety reasons.
Between 5am and 8pm, people in Melbourne can leave the home for exercise, to shop for necessary goods and services, for work, for health care, or to care for a sick or elderly relative. The full list of restrictions can be found here.
All Victorians must wear a face covering when they leave home, no matter where they live.
People in Australia must stay at least 1.5 metres away from others. Check your state’s restrictions on gathering limits. If you are experiencing cold or flu symptoms, stay home and arrange a test by calling your doctor or contact the Coronavirus Health Information Hotline on 1800 020 080.
