സാംസങിന്റെ ആറ് മോഡലുകളിലുള്ള വാഷിംഗ് മെഷീനുകൾ കഴിഞ്ഞ വർഷം തിരിച്ചുവിളിക്കാൻ സർക്കാർ ഉത്തരവിട്ടിരുന്നു. ഈ ഗണത്തിൽപ്പെടുന്ന ഏതെങ്കിലും മോഡൽ ആണോ അപകടം ഉണ്ടാക്കിയതെന്ന കാര്യം അന്വേഷിച്ച് വരികയാണെന്ന് ഫെയർ ട്രേഡിങ്ങ് വിഭാഗവും അഗ്നിശമനസേനയും അറിയിച്ചു.
ഈ മോഡലുകളിൽപ്പെട്ട 144,000- ഓളം വാഷിംഗ് മെഷിനുകളാണ് ഓസ്ട്രേലിയയിൽ വിറ്റഴിച്ചത്. തിരിച്ചു വിളിച്ചെങ്കിലും ഈ ഗണത്തിൽപ്പെട്ട ആയിരക്കണക്കിന് വാഷിംഗ് മെഷീനുകൾ ഇപ്പോഴും ഓസ്ട്രേലിയയിൽ പലയിടങ്ങളിലും ഉപയോഗത്തിൽ ഉണ്ടെന്ന് ഫെയർ ട്രേഡിങ്ങ് കമ്മിഷണർ റോഡ് സ്റ്റോവ് എ ബി സി യോട് പറഞ്ഞു.
ഈ സാഹചര്യത്തിലാണ് തിരിച്ചുവിളിക്കാനുള്ള നിർദ്ദേശം സർക്കാർ ആവർത്തിച്ചത്.
താഴെ കൊടുത്തിരിക്കുന്ന മോഡലുകളിലുള്ള സാംസങ് വാഷിംഗ് മെഷീനുകളുടെ ഉപഭോക്താക്കൾക്ക് അവ തിരിച്ചു നൽകാം. ഇതിനു പകരം പുതിയ വാഷിംഗ് മെഷീനോ പണമോ തിരിച്ചു നൽകണമെന്നും സർക്കാർ ഉത്തരവിട്ടിട്ടുണ്ട്. ഇതിനായി ഫെയർ ട്രേഡിങ്ങ് വിഭാഗത്തിന്റെ വെബ്സൈറ്റ് സന്ദർശിക്കാം അല്ലെങ്കിൽ സാംസങിനെ നേരിട്ട് ബന്ധപ്പെടാം.
സിഡ്നിയിൽ ഉണ്ടായ അപകടം ഉപഭോക്താക്കൾക്ക് ഒരു മുന്നറിയിപ്പാണെന്ന് ന്യു സൗത്ത് വെയിൽസ് ഇന്നോവേഷൻ ആൻഡ് റെഗുലേഷൻ വിഭാഗം മന്ത്രി വിക്ടർ ഡോമിനെല്ലോ പറഞ്ഞു.
ഇത്തരത്തിൽ തിരിച്ചു വിളിച്ച വാഷിംഗ് മെഷീൻ ഉപയോഗിച്ചതുമൂലം ഈ വർഷം ആദ്യം സിഡ്നിയിലെ ഒരു ചൈൽഡ് കെയറിനു തീപിടുത്തമുണ്ടാകുകയും 78 -ഓളം കുട്ടികളെ ഒഴിപ്പിക്കുകയും ചെയ്തിരുന്നു. ഇത്തരത്തിൽ 200- ഓളം അപകടങ്ങളാണ് 2010 മുതൽ ഓസ്ട്രേലിയയിൽ റിപ്പോർട് ചെയ്യപ്പെട്ടിട്ടുള്ളത്.
അതിനാൽ, കൈവശമുള്ള വാഷിംഗ് മെഷീനുകൾ ഈ മോഡലുകൾ ആണോ എന്ന് പരിശോധിക്കുക. ആണെങ്കിൽ ഇവ നിർബന്ധമായും തിരികെ നൽകേണ്ടതാണ്.
SW75V9WIP/XSA
SW80SPWIP/XSA
SW70SPWIP/XSA
SW65V9WIP/XSA
WA85GWGIP/XSA
WA85GWWIP/XSA
