കൊറോണവൈറസ് കുതിച്ചുയരുന്ന നിരക്ക് പിടിച്ചുനിർത്തി, ഇനി പിടിച്ചുനിർത്തേണ്ടത് തൊഴിലില്ലായ്മ ഉയരുന്ന നിരക്കാണ് – ദേശീയ ക്യാബിനറ്റ് യോഗത്തിനു ശേഷം പ്രധാനമന്ത്രി സ്കോട്ട് മോറിസൻ നൽകിയ പ്രധാന സന്ദേശം ഇതായിരുന്നു.
ന്യൂസിലാന്റ് പ്രധാനമന്ത്രി ജസീന്ത ആർഡൻ ദേശീയ ക്യാബിനറ്റ് യോഗത്തിൽ പങ്കെടുത്തിരുന്നു. ഓസ്ട്രേലിയയ്ക്കും ന്യൂസിലന്റിനും ഇടയിലുള്ള യാത്ര പുനരാരംഭിക്കുന്ന കാര്യവും യോഗം ചർച്ച ചെയ്തെങ്കിലും, ഉടൻ ഇത് സാധ്യമാകില്ലെന്ന് പ്രധാനമന്ത്രി പറഞ്ഞു.
കഴിഞ്ഞ ഒരു മാസം കൊണ്ട് പത്തു ലക്ഷത്തോളം പേർക്കാണ് തൊഴിൽ നഷട്മായത്. ഇവരെ തൊഴിൽ രംഗത്തേക്ക് തിരിച്ചെത്തിക്കുക എന്നതാണ് ഇനിയുള്ള പ്രധാന ലക്ഷ്യം.
ലോക്ക്ഡൗൺ നടപടികൾ കാരണം ആഴ്ചയിൽ നാലു ബില്യൺ ഡോളർ വീതമാണ് സാമ്പത്തിക രംഗത്തിന് നഷ്ടമുണ്ടാകുന്നത്.
ഒരു കൊവിഡ്സുരക്ഷാ സാമ്പത്തിക രംഗം രൂപീകരിക്കാനാണ് ദേശീയ ക്യാബിനറ്റ് തീരുമാനിച്ചിരിക്കുന്നതെന്നും അദ്ദേഹം പറഞ്ഞു.
ജോലി സ്ഥലങ്ങളും പൊതുസ്ഥലങ്ങളുമെല്ലാം അത്തരത്തിലായിരിക്കും സജ്ജീകരിക്കുക.
ഇളവുകൾ വെള്ളിയാഴ്ച
വെള്ളിയാഴ്ച ചേരുന്ന അടുത്ത ദേശീയ ക്യാബിനറ്റ് യോഗം നിയന്ത്രണങ്ങളിൽ ഇളവു നൽകുന്ന കാര്യത്തിൽ തീരുമാനമെടുക്കും.
മൂന്നു ഘട്ടങ്ങളിലായാകും ഇളവുകൾ നടപ്പാക്കുക.
സ്കൂളുകൾ പൂർണമായും തുറന്നു പ്രവർത്തിക്കാം എന്നതാണ് ആരോഗ്യമേഖലയിൽ നിന്ന് ലഭിച്ചിരിക്കുന്ന ഉപദേശമെന്നും പ്രധാനമന്ത്രി പറഞ്ഞു.
People in Australia must stay at least 1.5 metres away from others. Check your state’s restrictions on gathering limits.
Testing for coronavirus is now widely available across Australia. If you are experiencing cold or flu symptoms, arrange a test by calling your doctor or contact the Coronavirus Health Information Hotline on 1800 020 080.
The federal government's coronavirus tracing app COVIDSafe is available for download from your phone's app store.
SBS is committed to informing Australia’s diverse communities about the latest COVID-19 developments. News and information is available in 63 languages at sbs.com.au/coronavirus.
