West pac Bank, St George Bank, Bank of Melbourne, Bank SA തുടങ്ങിയ West pac ഗ്രൂപ്പിലെ ബാങ്കുകളാണ് വിദേശ നിക്ഷേപകർക്ക് ഹോം ലോൺ അനുവദിക്കുന്നതിൽ കർശന നിലപാടുമായി മുന്നോട്ടു വന്നിരിക്കുന്നത്. ANZ Banking Group-ഉം Commonwealth Bank -ഉം ഇക്കാര്യത്തിൽ നേരത്തെ തന്നെ തീരുമാനം എടുത്തിരുന്നു. എന്നാൽ National Australia Bank മാറ്റമൊന്നും വരുത്തിയിട്ടില്ല .
പുതിയ നയപ്രകാരം, ഓസ്ട്രേലിയൻ റസിഡൻറ്സ് അല്ലാത്തവർ, വിദേശത്ത് സ്വയം തൊഴിൽ മുഖ്യ വരുമാന മാർഗമാക്കിയവർ, കൂടാതെ ഓസ്ട്രേലിയയിൽ താല്കാലിക വിസ മാത്രം ഉള്ളവർ എന്നിവരിൽ നിന്ന് ഇനി മുതൽ ഈ ബാങ്കുകൾ റെസിഡൻഷ്യൽ പ്രോപ്പർട്ടി ലോൺ അഥവാ താമസിക്കാനുള്ള വസ്തു വാങ്ങുന്നതിനായുള്ള ലോണിനായി അപേക്ഷകൾ സ്വീകരിക്കുന്നതല്ല.
പ്രീ അപ്രൂവൽ നിലനിൽക്കുന്ന ലോണുകളെ ഏപ്രിൽ 26 മുതൽ പ്രാബല്യത്തിൽ വന്ന ഈ നിയമമാറ്റം ബാധിക്കില്ല. എന്നാൽ പ്രീ അപ്രൂവ് ചെയ്ത ശേഷം 90 ദിവസത്തിനുള്ളിൽ ലോണെടുത്തിട്ടില്ലെങ്കിൽ പുതിയ നിയമം ബാധകമാകുമെന്ന് Westpac സ്ഥിരീകരിച്ചു.
നൂറു ശതമാനം വിദേശ വരുമാന ശ്രോതസ് കാണിച്ചുകൊണ്ടുള്ള അപേക്ഷകൾ മിക്കതും ഈ മാസമാദ്യം ANZ ബാങ്ക് നിരസിച്ചതായാണ് റിപ്പോർട്ടുകൾ.
