മെൽബണിലെ ടുല്ലാമെറിൻ വിമാനത്താവളത്തിലെ നാലാം ടെർമിനലിൽ നിന്ന് കഴിഞ്ഞ നവംബർ 20 -നാണ് ഈ മോഷണം നടന്നത്. പല യാത്രക്കാരുടെയും ഒന്നിലേറെ പെട്ടികൾ മോഷണം പോയിരുന്നു.
ഒരു സ്ത്രീയാണ് മോഷണത്തിന് പിന്നിലെന്നാണ് പോലീസ് സംശയിക്കുന്നത്. സി സി ടി വിയിൽ പതിഞ്ഞ ഇവരുടെ ചിത്രവും വിക്ടോറിയ പോലീസ് പുറത്തുവിട്ടിട്ടുണ്ട്.
മാത്രമല്ല, പെട്ടി മോഷണം പോയ ഒരു യാത്രക്കാരൻറെ വീട്ടിൽ കയറിയും ഈ സ്ത്രീ മോഷണം നടത്തിയതായി പോലീസ് സംശയിക്കുന്നു.
മെൽബൺറെ പടിഞ്ഞാറൻ പ്രദേശമായ അൾട്ടോണ മെഡോസിലെ വീട്ടിൽ നടത്തിയ മോഷണത്തിൽ ഇലക്ട്രിക്ക് ഉപകരണങ്ങളും, പണവും, വിലപിടിപ്പുള്ള ആഭരണങ്ങളും നഷ്ടപ്പെട്ടിരുന്നു.
ഇവരെ കണ്ടെത്താൻ പൊതുജനങ്ങളുടെ സഹായം തേടിയിരിക്കുകയാണ് ഹോബ്സൺസ്ബേ ക്രൈം ഇൻവെസ്റ്റിഗേഷൻ യൂണിറ്റിലെ അന്വേഷകർ.
ഇവരെക്കുറിച്ച് എന്തെങ്കിലും വിവരം ലഭിക്കുന്നവർ 1800 333 000 എന്ന നമ്പറിൽ എത്രയും വേഗം ക്രൈം സ്റ്റോപ്പേഴ്സിനെ ബന്ധപ്പെടണമെന്ന് പോലീസ് അറിയിച്ചു
