വ്യാജ മൈ ഗവ് വെബ്സൈറ്റിലൂടെ തട്ടിപ്പ് വ്യാപകം: മുന്നറിയിപ്പുമായി അധികൃതർ

ഫെഡറൽ സർക്കാറിന്റെ മൈ ഗവ് വെബ്സൈറ്റ് എന്ന് തോന്നിപ്പിക്കുന്ന വ്യാജ വെബ്‌സൈറ്റിലൂടെ തട്ടിപ്പ് നടത്താനുള്ള ശ്രമങ്ങൾ വ്യാപകമാകുന്നു. പൊതുജനങ്ങളുടെ ബാങ്ക് അക്കൗണ്ട് വിവരങ്ങൾ ഉൾപ്പെടെയുള്ളവ ചോർത്താനാണ് തട്ടിപ്പുകാർ ശ്രമിക്കുന്നത്.

Beware of fake Medicare email Source: SBS

മെഡികെയറിൽ നിന്നുള്ള വ്യാജ ഇമെയിലുകളായാണ് തട്ടിപ്പ് സന്ദേശങ്ങൾ ആളുകളിലേക്ക്‌ എത്തുന്നത്.    മെഡികെയറിൽ നിന്നുള്ള ആനുകൂല്യങ്ങൾ ലഭിക്കുന്നതിനായി ഇലക്ട്രോണിക് ഫണ്ട് ട്രാൻസ്ഫർ വിവരങ്ങൾ നൽകാനായി ഇമെയിൽ സന്ദേശം ആവശ്യപ്പെടുന്നു.

a phishing email that looks like it is from Medicare Source: GEM

ഇമെയിലിൽ കൊടുത്തിരിക്കുന്ന ലിങ്ക് മൈ ഗവ് വെബ്സൈറ്റിനോട് സമാനമാണ്. www.mygovau.net എന്ന വ്യാജവിലാസമാണ് തട്ടിപ്പുകാർ ഉപയോഗിക്കുന്നത്. 

The URL includes ‘.net’ instead of ‘.gov.au’, Source: GEM

ഒറ്റനോട്ടത്തിൽ തിരിച്ചറിയാൻ ആവാത്തവിധമാണ് ഈ വെബ്സൈറ്റ് നിർമ്മിച്ചിരിക്കുന്നത്. ലോഗിൻ ചെയ്യുന്നവരിൽ നിന്ന്, മെഡികെയർ ആനുകൂല്യങ്ങൾ ലഭിക്കുന്നതിനായി ബാങ്ക് അക്കൗണ്ട് വിവരങ്ങൾ നൽകാൻ സൈറ്റ് ആവശ്യപ്പെടുന്നു.

The fake Medicare website to input your bank account details. Source: GEM

www.my.gov.au എന്ന ശരിയായ വെബ്സൈറ്റാണ് ഉപയോഗിക്കുന്നതെന്ന് ഉറപ്പ് വരുത്താൻ പൊതുജനം  ശ്രദ്ധിക്കണമെന്ന് അധികൃതർ അറിയിക്കുന്നു. ഇമെയിലുകളിൽ വരുന്ന ലിങ്കുകൾ ഉപയോഗിക്കരുതെന്നും അധികൃതർ മുന്നറിയിപ്പ് നൽകുന്നു.