മെഡികെയറിൽ നിന്നുള്ള വ്യാജ ഇമെയിലുകളായാണ് തട്ടിപ്പ് സന്ദേശങ്ങൾ ആളുകളിലേക്ക് എത്തുന്നത്. മെഡികെയറിൽ നിന്നുള്ള ആനുകൂല്യങ്ങൾ ലഭിക്കുന്നതിനായി ഇലക്ട്രോണിക് ഫണ്ട് ട്രാൻസ്ഫർ വിവരങ്ങൾ നൽകാനായി ഇമെയിൽ സന്ദേശം ആവശ്യപ്പെടുന്നു.
ഇമെയിലിൽ കൊടുത്തിരിക്കുന്ന ലിങ്ക് മൈ ഗവ് വെബ്സൈറ്റിനോട് സമാനമാണ്. www.mygovau.net എന്ന വ്യാജവിലാസമാണ് തട്ടിപ്പുകാർ ഉപയോഗിക്കുന്നത്.
ഒറ്റനോട്ടത്തിൽ തിരിച്ചറിയാൻ ആവാത്തവിധമാണ് ഈ വെബ്സൈറ്റ് നിർമ്മിച്ചിരിക്കുന്നത്. ലോഗിൻ ചെയ്യുന്നവരിൽ നിന്ന്, മെഡികെയർ ആനുകൂല്യങ്ങൾ ലഭിക്കുന്നതിനായി ബാങ്ക് അക്കൗണ്ട് വിവരങ്ങൾ നൽകാൻ സൈറ്റ് ആവശ്യപ്പെടുന്നു.
www.my.gov.au എന്ന ശരിയായ വെബ്സൈറ്റാണ് ഉപയോഗിക്കുന്നതെന്ന് ഉറപ്പ് വരുത്താൻ പൊതുജനം ശ്രദ്ധിക്കണമെന്ന് അധികൃതർ അറിയിക്കുന്നു. ഇമെയിലുകളിൽ വരുന്ന ലിങ്കുകൾ ഉപയോഗിക്കരുതെന്നും അധികൃതർ മുന്നറിയിപ്പ് നൽകുന്നു.
