വിക്ടോറിയയില്‍ നിയന്ത്രണം കടുപ്പിക്കുമെന്ന് മുന്നറിയിപ്പ്; സിഡ്‌നിയിലെ പബില്‍ വൈറസ് പടര്‍ന്നതും വിക്ടോറിയയില്‍ നിന്ന്

വിക്ടോറിയയില്‍ 238 പേര്‍ക്ക് കൂടി കൊറോണവൈറസ് ബാധ സ്ഥിരീകരിച്ചതോടെ, സാമൂഹിക നിയന്ത്രണങ്ങള്‍ കൂടുതല്‍ കര്‍ശനമാക്കാന്‍ മടിക്കില്ലെന്ന് സര്‍ക്കാര്‍ മുന്നറിയിപ്പ് നല്‍കി.

Victorian Premier Daniel Andrews arrives to a press conference in Melbourne, Tuesday, July 14, 2020. Victoria has recorded 270 new Coronavirus cases. (AAP Image/James Ross) NO ARCHIVING

Victorian Premier Daniel Andrews arrives to a press conference in Melbourne Source: AAP

വിക്ടോറിയയില്‍ കൊറോണവൈറസിന്റെ രണ്ടാം വ്യാപനം രൂക്ഷമായി തന്നെ തുടരുകയാണെന്ന് പ്രീമിയര്‍ ഡാനിയല്‍ ആന്‍ഡ്ര്യൂസ് അറിയിച്ചു.

238 പേര്‍ക്ക് പുതുതായി രോഗം സ്ഥിരീകരിക്കുകയും, ഒരാള്‍ കൂടി മരിക്കുകയും ചെയ്തിട്ടുണ്ട്. പ്രായം 90കളിലുള്ള ഒരു സ്ത്രീയാണ് മരിച്ചത്.

സംസ്ഥാനത്ത് ഇപ്പോള്‍ വൈറസ്ബാധ സജീവമായിട്ടുള്ള 1931 പേരില്‍ 105 പേര്‍ ആശുപത്രികളിലാണ്. ഇവരില്‍ 27 പേര്‍ ഐ സി യുവിലാണ്.

ആശുപത്രികളിലുള്ളവരുടെ എണ്ണം കൂടുന്നതാണ് ഏറ്റവും വലിയ ആശങ്കയെന്ന് സര്‍ക്കാര്‍ ചൂണ്ടിക്കാട്ടി.

നിയന്ത്രണങ്ങള്‍ ലംഘിച്ചതിന്റെ പേരില്‍ മെല്‍ബണില്‍ 500ഓളം പേര്‍ക്ക് പിഴശിക്ഷ നല്‍കിയിട്ടുണ്ട്.

351 പേര്‍ക്ക് ലോക്ക്ഡൗണ്‍ വ്യവസ്ഥകള്‍ ലംഘിച്ചതിനാണ് പിഴ. കാര്‍ പരിശോധനയ്ക്ക ശേഷമാണ് 150 പേരില്‍ നിന്ന ്പിഴയീടാക്കിയത്.

പോക്കിമോന്‍ പോലുള്ള ഗെയിമുകള്‍ കളിക്കാന്‍ കാറില്‍ പുറത്തുപോയവും ഇക്കൂട്ടത്തിലുണ്ട്.

KFCയില്‍ ഇരുന്ന് ഭക്ഷണം കഴിച്ചവര്‍ക്കും, പാര്‍ട്ടികളില്‍ പങ്കെടുത്തവരും പിഴശിക്ഷ ലഭിച്ചതില്‍ ഉള്‍പ്പെടുന്നു.

സംസ്ഥാനത്തെ ഈ സാഹചര്യം 'വളരെ, വളരെ ഗുരുതരമാണെന്ന്' പ്രീമിയര്‍ പറഞ്ഞു.

നിയന്ത്രണങ്ങള്‍ പാലിക്കാന്‍ ജനങ്ങള്‍ തയ്യാറായില്ലെങ്കില്‍ സംസ്ഥാനം നാലാം ഘട്ട ലോക്ക്ഡൗണിലേക്ക് പോകുമെന്നും അദ്ദേഹം മുന്നറിയിപ്പ് നല്‍കി.

സിഡ്‌നി പബിലെ വൈറസ് ബാധയ്ക്കും മെല്‍ബണ്‍ ബന്ധം

സിഡ്‌നിയിലെ കാസുലയിലുള്ള ക്രോസ് റോഡ്‌സ് ഹോട്ടലിലെ വൈറസ് ക്ലസ്റ്റര്‍ 34 ആയി ഉയര്‍ന്നു.

കഴിഞ്ഞ 24 മണിക്കൂറില്‍ 13 പേര്‍ക്കാണ് സംസ്ഥാനത്ത് പുതുതായി വൈറസ്ബാധ സ്ഥിരീകരിച്ചത്. ഇതില്‍ 10ഉം ക്രോസ് റോഡ്‌സ് ഹോട്ടലുമായി ബന്ധപ്പെട്ടാണ്.

മെല്‍ബണില്‍ നിന്നെത്തിയ ഒരാളില്‍ നിന്നാണ് ഈ വൈറസ്ബാധ പൊട്ടിപ്പുറപ്പെട്ടതെന്നും സംസ്ഥാന ആരോഗ്യവകുപ്പ് സ്ഥിരീകരിച്ചിട്ടുണ്ട്.

ചരക്കുനീക്ക മേഖലയില്‍ ജോലി ചെയ്യുന്ന ഒരാളില്‍ നിന്നാണ് ഇത്. എന്നാല്‍ ഇയാള്‍ ട്രക്ക് ഡ്രൈവറല്ല.
A cleaner dressed in Personal Protective Equipment (PPE) is seen leaving the Crossroads Hotel in Sydney, Saturday, July 11, 2020
A cleaner dressed in Personal Protective Equipment (PPE) is seen leaving the Crossroads Hotel in Sydney, Saturday, July 11, 2020 Source: AAP
ജൂലൈ മൂന്നിന് ഈ വ്യക്തിയും സഹപ്രവര്‍ത്തകരും ക്രോസ് റോഡ്‌സ് ഹോട്ടലില്‍ എത്തിയിരുന്നു.

വൈറസിന്‌റെ ജനിതക ഘടന പരിശോധിച്ചതിലും മെല്‍ബണ്‍ കേസുകളുമായി ബന്ധമുണ്ടെന്ന് തെളിഞ്ഞതായി ചീഫ് ഹെല്‍ത്ത് ഓഫീസര്‍ കെറി ചാന്റ്  പറഞ്ഞു.

കാംപല്‍ടൗണിലെ മക്കാര്‍ത്തര്‍ ടാവേണ്‍, കാസുല കെ-മാര്‍ട്ട്, ലൂമിയയിലെ വെസ്റ്റ്‌സ് ലീഗ് ക്ലബ്, റീവ്‌സ്ബി YWCA തുടങ്ങിയ  സ്ഥാപനങ്ങളും വൈറസ് ബാധിതര#് സന്ദര്‍ശിച്ചിരുന്നതായി ആരോഗ്യവകുപ്പ് അറിയിച്ചു.

സിഡ്‌നിയെ ഹോട്ട്‌സ്‌പോട്ടായി പ്രഖ്യാപിച്ച് NT

സിഡ്‌നി മെട്രോപൊളിറ്റന്‍ മേഖലയെ ഹോട്ട്‌സ്‌പോട്ടായി പ്രഖ്യാപിച്ച് യാത്രാ നിയന്ത്രണങ്ങള്‍ ഏര്‍പ്പെടുത്താന്‍ നോര്‍തേണ്‍ ടെറിട്ടറി സര്‍ക്കാര്‍ തീരുമാനിച്ചു.

സിഡ്‌നിയില്‍ നിന്ന് യാത്ര ചെയ്യുന്നവര്‍ 14 ദിവസത്തെ നിര്‍ബന്ധിത ഹോട്ടല്‍ ക്വാറന്റൈന് വിധേയരാകേണ്ടി വരും.

കഴിഞ്ഞ 14 ദിവസം സിഡ്‌നി സന്ദര്ശിച്ചവര്‍ക്കും ഇത് ബാധകമാണ്.

2500 ഡോളര്‍ ക്വാറന്റൈന്‍ ചെലവായി ഈടാക്കുമെന്നും മുഖ്യമന്ത്രി മൈക്കല്‍ ഗണ്ണര്‍ പറഞ്ഞു

Residents in metropolitan Melbourne are subject to stay-at-home orders and can only leave home for essential work, study, exercise or care responsibilities. People are also advised to wear masks in public.

People in Australia must stay at least 1.5 metres away from others. Check your state’s restrictions on gathering limits.

If you are experiencing cold or flu symptoms, stay home and arrange a test by calling your doctor or contact the Coronavirus Health Information Hotline on 1800 020 080. News and information is available in 63 languages at sbs.com.au/coronavirus

Residents in Melbourne public housing towers who need access to support and assistance should call the Housing Call Centre on 1800 961 054. If you need a translator, first call 131 450. Both services are 24/7. More information can be found here.

Additional reporting by AAP.


Share

Published

By SBS News
Source: SBS

Share this with family and friends


Follow SBS Malayalam

Download our apps
SBS Audio
SBS On Demand

Listen to our podcasts
Independent news and stories connecting you to life in Australia and Malayalam-speaking Australians.
Ease into the English language and Australian culture. We make learning English convenient, fun and practical.
Get the latest with our exclusive in-language podcasts on your favourite podcast apps.

Watch on SBS
SBS World News

SBS World News

Take a global view with Australia's most comprehensive world news service