കൊറോണവൈറസ് നിയന്ത്രണങ്ങൾ ഇളവു ചെയ്യാൻ ഫെഡറൽസർക്കാർ മൂന്നു ഘട്ട പദ്ധതി പ്രഖ്യാപിച്ചെങ്കിലും, ഏറ്റവും ജാഗ്രതയോടെ മാത്രം ഇത് നടപ്പാക്കുന്ന സംസ്ഥാനമാണ് വിക്ടോറിയ.
എന്നാൽ പരിശോധനയുടെ നിരക്ക് കൂടിയ സാഹചര്യത്തിൽ കൂടുതൽ ഇളവുകൾ നൽകുമെന്ന് പ്രീമിയർ ഡാനിയൽ ആൻഡ്ര്യൂസ് പ്രഖ്യാപിച്ചു.
ജൂൺ ഒന്നു മുതൽ റെസ്റ്റോറന്റുകളും, കഫെകളും, പബുകളും ഡൈൻ ഇൻ പ്രവർത്തനങ്ങൾക്കായി തുറന്നു പ്രവർത്തിക്കും എന്നാണ് പ്രീമിയർ അറിയിച്ചിരിക്കുന്നത്.
ഒരേ സമയം 20 പേർക്കായിരിക്കും ഇവിടങ്ങളിൽ ഇരിക്കാൻ അനുവാദം ഉണ്ടാവുക.
നിലവിൽ ടേക്ക് എവേ, ഡെലിവറി സേവനങ്ങൾ മാത്രാണ് സംസ്ഥാനത്തെ റെസ്റ്റോറന്റുകളിലും കഫെകളിലും അനുവദിക്കുന്നത്.
മറ്റു സംസ്ഥാനങ്ങളിൽ നിയന്ത്രണങ്ങളോടെ ഡൈൻ-ഇൻ അനുവദിച്ചു തുടങ്ങിയിട്ടുണ്ട്.
ജൂൺ 22 മുതൽ റെസ്റ്റോറന്റുകളിൽ ഇരുന്ന് ഭക്ഷണം കഴിക്കാവുന്നവരുടെ എണ്ണം 50 ആക്കി ഉയര്ത്തുമെന്നും പ്രീമിയർ ഡാനിയൽ ആൻഡ്ര്യൂസ് അറിയിച്ചു. ജൂലൈ രണ്ടാം പകുതിയോടെ ഇത് 100 ആക്കും.
കഴിഞ്ഞ ഒരാഴ്ച കൊണ്ട് 50,000 പേർക്ക് സംസ്ഥാനത്ത് കൊറോണ പരിശോധന നടത്തിയിരുന്നു. സാമൂഹിക വ്യാപനം സംസ്ഥാനത്ത് കുറവാണ് എന്നാണ് സർക്കാർ വിലയിരുത്തൽ.
പുതിയതായി ഏഴു കേസുകളാണ് സ്ഥിരീകരിച്ചിരിക്കുന്നത്. ഇതോടെ സംസ്ഥാനത്തെ ആകെ വൈറസ്ബാധ 1561 പേർക്കായി.
People in Australia must stay at least 1.5 metres away from others. Check your state’s restrictions on gathering limits.
Testing for coronavirus is now widely available across Australia. If you are experiencing cold or flu symptoms, arrange a test by calling your doctor or contact the Coronavirus Health Information Hotline on 1800 020 080.
The federal government's coronavirus tracing app COVIDSafe is available for download from your phone's app store.
SBS is committed to informing Australia’s diverse communities about the latest COVID-19 developments. News and information is available in 63 languages at sbs.com.au/coronavirus.
