ഇൻറർവ്യൂവിന് പോകുന്പോൾ നടത്തേണ്ട തയ്യാറെടുപ്പുകൾ...

ഓസ്‌ട്രേലിയയില്‍ ജോലി തേടുമ്പോള്‍ ശ്രദ്ധിക്കേണ്ട കാര്യങ്ങളെക്കുറിച്ചുള്ള പരമ്പരയില്‍, ജോലിക്ക് അപേക്ഷിക്കുമ്പോള്‍ ശ്രദ്ധിക്കേണ്ട കാര്യങ്ങളെക്കുറിച്ചും, റെസ്യൂമെ തയ്യാറാക്കുന്നതിനെക്കുറിച്ചും കഴിഞ്ഞ ഭാഗങ്ങളില്‍ വിവരിച്ചിരുന്നു. പരമ്പരയുടെ ഈ ഭാഗത്തില്‍, ഇന്റര്‍വ്യൂവിന് തയ്യാറെടുക്കുമ്പോള്‍ ശ്രദ്ധിക്കേണ്ട കാര്യങ്ങളെക്കുറിച്ചാണ് വിവരിക്കുന്നത്. പത്തു വര്‍ഷമായി ഓസ്‌ട്രേലിയയില്‍ കരിയര്‍ കണ്‍സല്‍ട്ടന്റായി പ്രവര്‍ത്തിക്കുന്ന ദീപ മാത്യൂസാണ് ഇതേക്കുറിച്ച് വിവരിക്കുന്നത്. അതു കേള്‍ക്കാന്‍ മുകളിലെ പ്ലേയര്‍ ക്ലിക്ക് ചെയ്യുക. (ഇതേക്കുറിച്ചുള്ള ശ്രോതാക്കളുടെ സംശയങ്ങള്‍ [e-mail] എന്ന ഇമെയിലിലേക്ക് അയച്ചാല്‍ ദീപ മാത്യൂസ് മറുപടി നല്‍കുന്നതാണ്.) Scroll Down for more details about how to find a job:

(Pic: Texas A&M University / Flickr) Source: Texas A&M University / Flickr

ഇൻറർവ്യൂവിന് തയ്യാറെടുക്കുന്പോൾ...

• വേണ്ടത്ര തയ്യാറടുപ്പോടെ മാത്രമേ ഇൻറർവ്യൂവിന് പോകാവൂ. 
• ഇൻറർവ്യൂവിനായി വിളിക്കുന്നതിന് മുന്പു തന്നെ LinkedIn പ്രൊഫൈൽ അപ്ഡേറ്റ് ചെയ്യണം. റെസ്യൂമെയിലുള്ള വിവരങ്ങൾ തന്നെയാകണം ലിങ്ക്ഡ് ഇന്നിലും. 

---

   (കൂടുതൽ ഓസ്ട്രേലിയൻ വാർത്തകൾക്കും വിശേഷങ്ങൾക്കും, SBS Malayalam ഫേസ്ബുക്ക് പേജ് ലൈക്ക് ചെയ്യുക)

---

 

• കന്പനിയെക്കുറിച്ചുള്ള കഴിയുന്നത്ര വിവരങ്ങൾ ഇൻറർവ്യൂവിന് പോകുന്നതിന് മുന്പ് ശേഖരിക്കുക
• ഇൻറർവ്യൂവിന് പോകുന്നതിന് മുന്പ് അപേക്ഷയും റെസ്യൂമെയും ഒരിക്കൽ കൂടി വായിച്ചു നോക്കുക. 
• ഇൻറർവ്യൂ ദിവസം രാവിലെ ആരോടെങ്കിലും ഒരുപാട് സംസാരിക്കാൻ ശ്രമിക്കുക. മറ്റാരും കൂടെയില്ലെങ്കിൽ സ്വയം സംസാരിക്കുന്നതും നല്ലതാകും

ഭാഗം1: ഓസ്ട്രേലിയയിൽ ജോലികൾ എങ്ങനെ കണ്ടെത്താം

ഭാഗം2: അപേക്ഷകൾ എങ്ങനെ എഴുതാം

ഭാഗം3: റെസ്യൂമെ തയ്യാറാക്കുന്പോൾ ശ്രദ്ധിക്കേണ്ട കാര്യങ്ങൾ

• ഇൻറർവ്യൂവിന് പോകുന്പോഴുള്ള വസ്ത്രധാരണം വളരെ പ്രധാനപ്പെട്ടതാണ്
• കോർപ്പറേറ്റ് സ്ഥാപനങ്ങളിലൊക്കെ ഇൻറർവ്യൂവിന് പോകുന്പോൾ ഏറ്റവും ഫോർമൽ ആയ വസ്ത്രധാരണമാണ് നല്ലത്
• ഏതു ജോലിക്കാണോ ശ്രമിക്കുന്നത് അതിന് അനുസരിച്ചു വേണം വസ്ത്രധാരണം
• പുതിയ വസ്ത്രങ്ങൾ വാങ്ങിയ ഉടൻ ഇൻറർവ്യൂവിന് ധരിക്കരുത്. ഇട്ടു പരിചയമുള്ള വസ്ത്രങ്ങൾ മാത്രമേ ഉപയോഗിക്കാവൂ
• ഇൻറർവ്യൂവിന് എത്തുന്പോൾ വൃത്തിയായിരിക്കാൻ ശ്രദ്ധിക്കുക
• രൂക്ഷഗന്ധമുള്ള പെർഫ്യൂമുകൾ ഉപയോഗിക്കരുത്

(ഇൻറർവ്യൂ പാനലിന് മുന്നിലെത്തുന്പോൾ എന്തൊക്കെ ശ്രദ്ധിക്കണമെന്നും, എങ്ങനെ മറുപടി പറയണമെന്നുമുള്ള കാര്യങ്ങൾ അടുത്തയാഴ്ച എസ് ബി എസ് മലയാളം റേഡിയോയിൽ. അടുത്ത ഭാഗം മറക്കാതെ കേൾക്കാൻ, SBS Malayalam റേഡിയോയുടെ ഫേസ്ബുക്ക് പേജ് ഇവിടെ ലൈക്ക് ചെയ്യുക. )