ഓസ്ട്രേലിയയിൽ പടർന്നു പിടിക്കുന്ന കാട്ടു തീ മൂലം പുക മൂടിയ അന്തരീക്ഷമാണ് പല സംസ്ഥാനങ്ങളിലും കാണപ്പെടുന്നത്. ഹെയ്സ് അഥവാ അന്തരീക്ഷത്തിൽ നിറഞ്ഞു നിൽക്കുന്ന പുക എന്തൊക്കെ ആരോഗ്യപ്രശ്നങ്ങൾക്ക് കാരണമാകാമെന്നും ഇതിനെ പ്രതിരോധിക്കാൻ എടുക്കേണ്ട കരുതലുകളെക്കുറിച്ചും സിഡ്നിയിലുള്ള ഡോ. ഷഹീർ അഹ്മദ് കൈതാൽ വിവരിക്കുന്നത് കേൾക്കാം.
ന്യൂ സൗത്ത് വെയിൽസിൽ കഴിഞ്ഞ കുറച്ചു ദിവസങ്ങളായി കാണപ്പെടുന്ന പുക നിറഞ്ഞ അന്തരീക്ഷം ദിവസങ്ങളോളം തുടരുമെന്നാണ് റിപ്പോർട്ടുകൾ.
അന്തരീക്ഷത്തിൽ നിറഞ്ഞിരിക്കുന്ന ഈ പുകയിൽ വിഷാംശം കലർന്നിട്ടുള്ളതിനാൽ ഇത് ശ്വസിക്കുന്നത് നിരവധി ശാരീരിക പ്രശ്നങ്ങൾക്ക് വഴിയൊരുക്കാമെന്ന് ഡോ ഷഹീർ അഹ്മദ് കൈതാൽ പറയുന്നു.
ഈ സമയത്ത് എടുക്കേണ്ട കരുതലുകളെക്കുറിച്ചും ഡോ. ഷഹീർ വിവരിക്കുന്നു:
- കഴിയുന്നതും വീടിനുള്ളിൽ പുക കടക്കാതിരിക്കാൻ ജനാലകളും വാതിലുകളും അടച്ചിടേണ്ടതാണ്
- ആസ്തമ ഉള്ളവർ പുറത്തിറങ്ങുമ്പോൾ ഇൻഹേലർ കയ്യിൽ കരുതണം
- കണ്ണ് ചൊറിച്ചിലും തൊണ്ടയിൽ അസ്വസ്ഥതയും മറ്റും ശാരീരിക ബുദ്ധിമുട്ടുകളും അനുഭവപ്പെടാൻ സാധ്യതയുള്ളതിനാൽ ഈ പുക ശ്വസിക്കാൻ ഇടയുള്ള എല്ലാവരും മെഡിക്കൽ മാസ്ക് ധരിക്കേണ്ടതാണ്
- രക്തസമ്മർദ്ദത്തിന്റെ മരുന്നുകൾ കഴിക്കുന്നവരും ഹൃദയ സംബന്ധമായ അസുഖങ്ങൾ ഉള്ളവരും ധാരാളം വെള്ളം കുടിക്കണം
- ഈ പുക ശ്വസിക്കുന്നത് ഗർഭസ്ഥ ശിശുവിന് ദോഷം ചെയ്യുന്നതിനാൽ ഗർഭിണികൾ പുറത്തിറങ്ങുന്നത് ഒഴിവാക്കണം
ഹെയ്സ് മൂലം ഉണ്ടാകാവുന്ന ശാരീരിക പ്രശ്നങ്ങളെക്കുറിച്ചും എടുക്കേണ്ട കൂടുതൽ കരുതലുകളെക്കുറിച്ചും ഡോ ഷഹീർ വിശിദീകരിക്കുന്നത് ഇവിടെ കേൾക്കാം.
ഇത് പൊതുവായ ചില നിർദ്ദേശങ്ങൾ മാത്രമാണ്. നിങ്ങൾക്ക് എന്തെങ്കിലും അസുഖമുണ്ടായാൽ ഡോക്ടറെ കാണേണ്ടതാണ്.
Share
