There are concerns young Roblox users are being exposed to graphic user-generated content. Source: AAP / Dean Lewins
ഓസ്ട്രേലിയയില് നിന്നുള്ള വാര്ത്തകളും, ഓസ്ട്രേലിയന് മലയാളികളുടെ വിശേഷങ്ങളും കേള്ക്കാനായി എസ് ബി എസ് മലയാളം പോഡ്കാസ്റ്റുകള് പിന്തുടരുക.
ഓസ്ട്രേലിയന് കുടിയേറ്റജീവിതത്തില് അറിഞ്ഞിരിക്കേണ്ട നിയമങ്ങളും ജീവിതരീതികളുമെല്ലാം മനസിലാക്കാന് ഞങ്ങളുടെ ഓസ്ട്രേലിയന് വഴികാട്ടി പോഡ്കാസ്റ്റും പിന്തുടരാം
ലോകത്ത് കുട്ടികൾക്കിടയിൽ ഏറെ പ്രചാരമുള്ള ഓൺലൈൻ ഗെയിമിങ് പ്ലാറ്റ്ഫോമാണ് Roblox.
പ്രതിദിനം നൂറ്റി എൺപത് ദശലക്ഷം ആളുകളാണ് ഈ ഗെയിം കളിക്കുന്നത്. കുട്ടികൾ ഒറ്റയ്ക്കും
ഗ്രൂപ്പ് തിരിഞ്ഞുമൊക്കെ കളിക്കുന്ന ഈ ഓൺലൈൻ ഗെയിമിങ്ങിനെതിരെ കർശന
നടപടിക്കൊരുങ്ങുകയാണ് സർക്കാർ.
ഗെയിമിങ്ങിലെ കണ്ടന്റുകളിൽ കുട്ടികൾക്ക് ആവശ്യമില്ലാത്ത പലതും അടങ്ങിയിട്ടുണ്ടെന്നും
ഇത് കുട്ടികളെ തെറ്റായ വഴിയിലേക്ക് നയിക്കുമെന്നും സർക്കാർ
കണ്ടെത്തിയിരിക്കുന്നു.
എന്തുകൊണ്ടാണ് Roblox നെതിരെ സർക്കാർ രംഗത്ത് വന്നതെന്നും എന്താണ് ഈ ഗെയിമിലെ
പ്രശ്നമെന്നും പരിശോധിക്കുകയാണ് ഈ പോഡ്കാസ്റ്റിൽ. പ്രിയ ശ്രോതാക്കളെ,
ഓസ്ട്രേലിയയിൽ നിന്ന് നിങ്ങൾ അറിഞ്ഞിരിക്കേണ്ട വാർത്തകളും വിശേഷങ്ങളും
ഇത്തരത്തിലുള്ള പ്രധാനപ്പെട്ട എല്ലാ വിവരങ്ങളും തന്നെ ഞങ്ങൾ പതിവായി നൽകാറുണ്ട്.
അവ മുടങ്ങാതെ കേൾക്കാനായി എസ്ബിഎസ് മലയാളത്തിന്റെ പോഡ്കാസ്റ്റുകൾ പിന്തുടരുക.
നിങ്ങൾ പോഡ്കാസ്റ്റ് കേൾക്കുന്ന ഏത് പ്ലാറ്റ്ഫോമിലും എസ്ബിഎസ് മലയാളം ലഭിക്കും.
അല്ലെങ്കിൽ എസ്ബിഎസ് മലയാളം എന്ന ഫേസ്ബുക്ക് പേജ് പിന്തുടരുക.
ഈ പോഡ്കാസ്റ്റുമായി നിങ്ങൾക്കൊപ്പം ഞാൻ അഖിലശ്രീ.
ലക്ഷക്കണക്കിന് ഗെയിമുകൾ കളിക്കാനും സ്വന്തമായി ഗെയിമുകൾ നിർമ്മിക്കാനും
സാധിക്കുന്ന ഒരു ഓൺലൈൻ ഗെയിമിങ് പ്ലാറ്റ്ഫോമാണ് Roblox.
നിരന്തരം മാറിക്കൊണ്ടിരിക്കുന്ന വർണ്ണാഭമായ കൂടുതലും സൗജന്യമായ ഓൺലൈൻ ഗെയിമുകളുടെ ലോകം.
സ്മാർട്ട്ഫോണുകളിലും ഐപാഡുകളിലും കമ്പ്യൂട്ടറുകളിലും വരെ ഗെയിം കളിക്കാം.
Roblox Studio എന്ന സോഫ്റ്റ്വെയർ ഉപയോഗിച്ച് കൊച്ചു കുട്ടികൾക്ക് പോലും
സ്വന്തമായി ഗെയിം ക്രിയേറ്റ് ചെയ്യാനും അത് മറ്റുള്ളവർക്ക് കളിക്കാൻ നൽകാനും
സാധിക്കുമെന്നതാണ് ഇതിന്റെ സ്വീകാര്യത. അതായത് Roblox ഇൽ നമ്മളിൽ ആർക്ക്
വേണമെങ്കിലും ഗെയിം ഉണ്ടാക്കാനും കളിക്കാനും പറ്റുമെന്ന സാരം.
ഇതൊരു വെർച്വൽ സോഷ്യൽ ലോകം കൂടെയായതിനാൽ ഗെയിം കളിക്കുന്നതിനൊപ്പം തന്നെ
മറ്റുള്ളവരുമായി ചാറ്റ് ചെയ്യാനും സുഹൃത്തുക്കളെ ഉണ്ടാക്കാനും സാധിക്കും.
ചുരുക്കത്തിൽ ഇത് വലിയൊരു ലൈബ്രറിയ്ക്ക് സമാനമാണ്. അതിൽ കയറി കഴിഞ്ഞാൽ നമുക്ക്
ഇഷ്ടമുള്ള തരം ഗെയിമുകൾ തെരഞ്ഞെടുക്കാൻ സാധിക്കും. ഇതിനെ Roblox Experiences
എന്നാണ് വിളിക്കുന്നത്. റേസിങ്, റോൾ പ്ലേ, പസിലുകൾ എന്നിങ്ങനെ ഏഴ് വിഭാഗത്തിലുള്ള
ഗെയിമുകളും ഇതിൽ ലഭിക്കുമെന്നതും Roblox നെ കുട്ടികളുടെ ഇഷ്ട ഗെയിമിങ് പ്ലാറ്റ്ഫോം
ആക്കുന്നു.
രക്ഷിതാക്കൾക്ക് ഇതിനെക്കുറിച്ച് ധാരണ ഇല്ലാത്തതും കുട്ടികൾക്കിടയിൽ Roblox നുള്ള
സ്വീകാര്യതയെക്കുറിച്ചും പറയുകയാണ് കാൻബറയിൽ നിന്നുള്ള Doctor ചിഞ്ചു ആൻ വർഗീസ്.
ഞാൻ കഴിഞ്ഞ വർഷം ശ്രദ്ധിച്ച ഒരു കാര്യം, ഇപ്പൊ മോളുടെ twelfth birthday party
നടത്തിയപ്പോൾ, ആ, കുട്ടികളെല്ലാം വന്ന് gift കൊടുക്കുന്ന ഈ Roblox എന്ന് പറയുന്ന ഒരു
ഓൺലൈൻ ഗെയിമിന്റെ gift cards ആയിരുന്നു. അതൊരു എന്നെ അതിശയിപ്പെടുത്തിയ ഒരു കാര്യമാ.
പണ്ടത്തെ പോലത്തെ ഒരു birthday gift ഒന്നുമല്ല ഇപ്പൊ. അതാണ് ഒരു trending. അപ്പൊ
ആ gift card എന്നിട്ട് അവർ അങ്ങോട്ടുമിങ്ങോട്ടും trend ചെയ്യുന്നു.
അല്ലേലെ, ഏഴു വയസ്സുള്ള മോൻ വന്നിട്ട് ആ gift card നു വേണ്ടി ബോറ പോരെ നടക്കുന്നു.
-അപ്പം അത്രയും അവർ addicted ആയിരുന്നു. -ഇനി എന്താണ് പ്രശ്നം എന്നല്ലേ?
ഓസ്ട്രേലിയയിൽ പതിനാറു വയസ്സിനു താഴെയുള്ള കുട്ടികൾക്കിടയിൽ ഡിസംബർ പത്തിന് സോഷ്യൽ
മീഡിയ നിരോധനം നിലവിൽ വന്നിട്ടും Roblox എന്ന ഗെയിമിങ് പ്ലാറ്റ്ഫോമിനെ അതിൽ
ഉൾപ്പെടുത്തിയിരുന്നില്ല.
Facebook, Instagram, Kick, Reddit, Snapchat, Thread, TikTok, Twitch, X,
YouTube എന്നിങ്ങനെ പത്ത് പ്ലാറ്റ്ഫോമുകൾക്കാണ് ഇക്കഴിഞ്ഞ ഡിസംബറിൽ
നിരോധനം വന്നത്.
അതേസമയം WhatsApp, Roblox, YouTube Kids തുടങ്ങിയവയെ സർക്കാർ പ്രായപരിധിയിൽ
പെടുത്തിയതുമില്ല. അതുകൊണ്ടുതന്നെ ഇപ്പോഴും കുട്ടികൾ സജീവമായി Roblox
ഉപയോഗിക്കുന്നുണ്ട്. അതേസമയം രണ്ടായിരത്തി ഇരുപത്തിമൂന്നിൽ Roblox കുട്ടികളെ ചൂഷണം
ചെയ്യാൻ ഉപയോഗിക്കുന്നതായി ഓസ്ട്രേലിയൻ പോലീസ് കണ്ടെത്തിയിരുന്നു. ഇപ്പോൾ ഈ
പ്ലാറ്റ്ഫോമിൽ കുട്ടികളെ ലക്ഷ്യം വച്ചുള്ള ലൈംഗിക വൈകൃതങ്ങളുള്ള ഉള്ളടക്കവും ആത്മഹത്യാ
പ്രേരണ നൽകുന്ന വീഡിയോകളും പ്രചരിക്കുന്നുണ്ടെന്നാണ് സർക്കാർ
കണ്ടെത്തിയിരിക്കുന്നത്. കുട്ടികളെ ചതിയിൽ പെടുത്തി ചൂഷണം ചെയ്യാനും ആളുകൾ ഇത്തരം
പ്ലാറ്റ്ഫോമുകൾ ഉപയോഗിക്കുന്നുണ്ടെന്നും ഓസ്ട്രേലിയൻ Communications Minister Anika
-Wells പറയുന്നു. -Many of you, I think like me, were
probably disgusted by the fact that children as young as four or five are
seeing graphic and gratuitous violence on this platform. I've been thinking about
that since those reports came out in particular, and so today I'm taking three
steps to try and improve the situation. Firstly, I have written to Roblox and
asked them to come and see me for a meeting and account for themselves and
explain to me what they are doing to keep our kids safe online.
Roblox നെതിരെ ആരോപണങ്ങൾ ഉയർന്നതോടെ Roblox അധികൃതരുമായി അടിയന്തര ചർച്ചയ്ക്ക്
ആവശ്യപ്പെട്ടിരിക്കുകയാണ് മന്ത്രി. Roblox ന് നോട്ടീസും നൽകിക്കഴിഞ്ഞു. മുതിർന്ന
വ്യക്തികൾ കുട്ടികളുമായി സൗഹൃദം നടിച്ച് അവരെ ചൂഷണം ചെയ്യാൻ ശ്രമിക്കുന്നുണ്ടെന്നും
കുട്ടികൾ കാണാൻ പാടില്ലാത്ത ഗ്രാഫിക് ദൃശ്യങ്ങൾ പ്ലാറ്റ്ഫോമിൽ ഇപ്പോഴും
ലഭ്യമാണെന്നും മന്ത്രി ചൂണ്ടിക്കാട്ടിയിട്ടുണ്ട്. അതേസമയം
മന്ത്രിയുടെ ചോദ്യങ്ങൾക്ക് Roblox വക്താവ് മറുപടിയും നൽകി. ഓസ്ട്രേലിയയിലെ അറുപത്
ശതമാനം ഉപയോക്താക്കളും ഇതിനോടകം age verification പൂർത്തിയാക്കിയെന്നും
കുട്ടികളുടെ സുരക്ഷയ്ക്കായി direct chat, voice functions എന്നിവ off ചെയ്തതായും
പ്ലാറ്റ്ഫോം അവകാശപ്പെടുന്നു. എന്നാൽ ഇതൊന്നും സുരക്ഷ ഉറപ്പാക്കാൻ പര്യാപ്തമല്ല
എന്നാണ് സർക്കാർ വിലയിരുത്തൽ. Roblox അടക്കമുള്ള പ്ലാറ്റ്ഫോമുകൾക്ക് കൂടുതൽ
ഉത്തരവാദിത്വവും നിയന്ത്രണവും കൊണ്ടുവരുന്നതിനായി Digital Duty of Care
എന്ന പുതിയ നിയമനിർമ്മാണവും സർക്കാർ ആലോചിക്കുന്നുണ്ട്. ഇതുപ്രകാരം പ്ലാറ്റ്ഫോം
വഴി ഉപയോക്താക്കൾക്ക് ഉണ്ടാകാനിടയുള്ള ചൂഷണങ്ങൾ തടയാൻ കമ്പനികൾക്ക് നിയമപരമായ
ബാധ്യതയുണ്ടാകും. ഈ നിയമം ലംഘിക്കുന്ന കമ്പനികൾക്ക് നാൽപ്പത്തിയൊമ്പത് ദശലക്ഷം
അഞ്ചു million dollar വരെ പിഴയും ശുപാർശ ചെയ്യുന്നു. മാർച്ച് ഒൻപത് മുതൽ കൂടുതൽ
കർശനമായ നിയമങ്ങൾ വരുമെന്നാണ് E Safety Commissioner Julie Inman Grant
പറഞ്ഞിരിക്കുന്നത്. ഇത് Roblox നും ബാധകമാകും.
Roblox ഉപയോഗിക്കുന്ന കുട്ടികളുടെ മാതാപിതാക്കൾക്കായി ചില പൊതുവായ
നിർദ്ദേശങ്ങൾ വിദഗ്ധർ പങ്കുവയ്ക്കുന്നുമുണ്ട്. Roblox ലെ settings
ൽ പോയി Restricted Accounts option on ആക്കണമെന്നും കുട്ടി ആരോടാണ്
സംസാരിക്കുന്നതെന്നും എന്തുതരം ഗെയിമുകളാണ് കളിക്കുന്നത് എന്നും പരിശോധിക്കണമെന്നും
വിദഗ്ധർ ചൂണ്ടിക്കാട്ടുന്നു. കുട്ടികളുടെ ഭാഗത്തുനിന്ന് മോശമായ പെരുമാറ്റം കണ്ടാൽ
ഉടൻതന്നെ റിപ്പോർട്ട് ചെയ്യണമെന്നും വിദഗ്ധർ അഭിപ്രായപ്പെടുന്നു.
പ്രിയ ശ്രോതാക്കളെ,
കുട്ടികൾക്കിടയിലെ പ്രശസ്തമായ Roblox ഗെയിമിങ്ങിനെതിരെ ഉയർന്നിരിക്കുന്ന
ആരോപണങ്ങളെക്കുറിച്ചും ഇതുമായി ബന്ധപ്പെട്ട് മാതാപിതാക്കൾ സ്വീകരിക്കേണ്ട
മുൻകരുതലുകളെക്കുറിച്ചുമുള്ള പോഡ്കാസ്റ്റാണ് നിങ്ങൾ ഇതുവരെ കേട്ടത്.
ഇത്തരത്തിൽ ഓസ്ട്രേലിയയിൽ ആയിരിക്കുമ്പോൾ നിങ്ങൾ അറിഞ്ഞിരിക്കേണ്ട വാർത്തകളും
വിശേഷങ്ങൾക്കും ഒക്കെയായി എസ്ബിഎസ് മലയാളത്തെ സ്ഥിരമായി പിന്തുടരുക. നിങ്ങൾ
പോഡ്കാസ്റ്റ് കേൾക്കുന്ന ഏത് പ്ലാറ്റ്ഫോമിലും. ഈ പോഡ്കാസ്റ്റ്
നിങ്ങൾക്കായി അവതരിപ്പിച്ചത് അഖിലശ്രീ.
ഇതുപോലുള്ള കൂടുതൽ പരിപാടികൾ കേൾക്കണമെന്നുണ്ടോ?
Apple Podcast ലും Google Podcast ലും Spotify യിലും കേൾക്കാം. അല്ലെങ്കിൽ നിങ്ങൾ
പോഡ്കാസ്റ്റ് കേൾക്കുന്ന മറ്റെവിടെയും.
SBS MalayalamIndependent news and stories connecting you to life in Australia and Malayalam-speaking Australians.
SBS Learn EnglishEase into the English language and Australian culture. We make learning English convenient, fun and practical.Get the latest with our exclusive in-language podcasts on your favourite podcast apps.
