കവിതകൾക്കും ഗാനങ്ങൾക്കുമപ്പുറത്ത്, വയലാർ രാമവർമ്മ എന്ന കവിയുടെ നിലപാടുകളും വിശ്വാസങ്ങളും തുറന്നുപറഞ്ഞ്, അദ്ദേഹത്തിന്റെ മകനും പ്രശസ്ത ഗാനരചയിതാവുമായ വയലാർ ശരത്ചന്ദ്രവർമ്മ എസ് ബി എസ് മലയാളം റേഡിയോയിൽ...
ബ്രിസ്ബൈൻ ആസ്ഥാനമായ പുലരി സാംസ്കാരി വേദിയുടെ ആഭിമുഖ്യത്തിൽ വിവിധ നഗരങ്ങളിൽ നടക്കുന്ന വയലാർ കവിതാ-സംഗീത സദസുകളിൽ പങ്കെടുക്കുന്നതിനായാണ് വയലാർ ശരത്ചന്ദ്രവർമ്മ ഓസ്ട്രേലിയയിലെത്തിയത്.
ആചാരങ്ങളെയും വിശ്വാസങ്ങളെയും മതങ്ങളെയുമൊക്കെ യഥാർത്ഥ ജീവിതത്തിൽ വയലാർ എങ്ങനെയാണ് കണ്ടിരുന്നതെന്നും, ഇന്നത്തെ കാലത്ത് ജീവിച്ചിരുന്നെങ്കിൽ വയലാറിന്റെ നിലപാട് എന്തായിരിക്കുമെന്നും അദ്ദേഹം സംസാരിച്ചു.
എസ് ബി എസ് മലയാളവുമായുള്ള വയലാർ ശരത്ചന്ദ്രവർമ്മയുടെ ദീർഘസംഭാഷണം ഇവിടെ കേൾക്കാം.
അഡ്ലൈഡിലും, ബ്രിസ്ബൈനിലും ഗോൾഡ് കോസ്റ്റിലും കവിതാ സായാഹ്നങ്ങളിൽ പങ്കെടുത്ത വയലാർ ശരത്ചന്ദ്രവർമ്മ വരുംദിവസങ്ങളിൽ മറ്റു നഗരങ്ങളിലും എത്തുന്നുണ്ട്.
അതിന്റെ വിശദാംശങ്ങൾ ഇവയാണ്.
സിഡ്നി: നവംബർ 10 ശനി
Uniting Church Hall, Wentworthville | 6.30-8.30pm
കാൻബറ: നവംബർ 11 ഞായർ
Gungahlin Library Hall | 5.00pm
പെർത്ത്: നവംബർ 17 ശനി
Corinthian Park Hall | 6.30 pm
