COVID-19 – l-aħħar aġġornament: 93 persuna jitilfu ħajjithom f’numru rekord ta’ mwiet mal-Awstralja kollha

Dan huwa l-aġġornament dwar il-Coronavirus fl-Awstralja għat-28 ta’ Jannar.

Paramedics tending to their ambulance outside St. Vincent hospital in Melbourne.

Paramedics tending to their ambulance outside St. Vincent hospital in Melbourne. Source: AAP

  • Fl-Awstralja kienu rrappurtati 93 mewt oħra bil-COVID-19. Dan huwa l-ogħla numru ta’ mwiet f’perjodu ta’ 24 siegħa mindu bdiet il-pandemija.
  • Teenagers li għandhom 16 u 17-il sena dalwaqt se jkunu jistgħu jieħdu t-tilqima tal-booster wara li r-regolaturi approvaw proviżjonalment il-Phizer għal dan l-iskop. Qabel l-adulti biss kienu eliġibbli għat-tilqima tal-booster.
  • Esperti tas-saħħa għadhom qegħdin jikkunsidraw jekk jespandux id-definizzjoni ta’ “tilqim komplut” biex ifisser tliet tilqimiet tal-COVID, wara talbiet minn politikanti fil-Victoria u NSW.
  • Korpi Indiġeni ewlenin fin-Northern Territory kitbu ittra miftuħa lill-Ministru Ewlieni għal lockdowm immedjat maċ-ċentru tal-Awstralja biex tieqaf l-imxija tal-COVID-19.
  • Fil-65 laqgħa tal-kabinett nazzjonali l-bieraħ, stati u territorji rrappurtaw  li l-pressjoni fuq l-isptarijiet u dħul fil-kura internsiva qegħdin jonqsu bil-mod.
  • L-ippjanar għar-ritorn fl-iskejjel jinsab miexi ‘l quddiem sewwa f’ħafna stati. Fi NSW kien ikkonfermat li kull skola li terġa’ lura għall-klassijiet mill-iskola il-ġimgħa d-diehla ikollhom l-allokazzjoni tagħhom ta’ rapid antigen tests u tħabbru servizzi ġodda tax-xarabanks u l-ferroviji.
  • F’Victoria 2 miljun rapid antigen test tqassmu fl-iskejjel statali, Kattoliċi u indipendenti. Total ta’ 6 miljun test mistennija jitqassmu qabel jiftħu l-iskejjel.
  • Madankollu, fi Queensland, ġenituri, għalliema u studenti għadhom qegħdin jistennew il-pjan tal-istat dwar il-ftuħ tal-iskejjel.
  • Fi Queensland kien irreġistrat l-ogħla numru ta’ mwiet bil-COVID. 18-il persuna mietu f’dan il-perjodu ta’ rrappurtar, 12 minnhom f’faċilitajiet tal-kura tal-anzjani.
  • L-immudellar tal-gvern ta’ NSW juri li n-numru ta’ dawk morda serjament fl-ICU kien anqas minn “l-aħjar sitwazzjoni” li tista’ tiżviluppa u n-numru ta’ dawk li jidħlu l-isptar mistenni jonqos il-ġimgħa d-dieħla.
STATISTIKA DWAR IL-COVID-19:

Fi NSW kienu rreġistrati 35 mewt, waqt li 2,737 jinsabu l-isptar u 189 fl-ICU. Kien hemm 13,333 infezzjonijiet ġodda rrappurtati.

Kien hemm 39 mewt irrappurtati fil-Victoria, 988 li daħlu l-isptar u 114-l pazjent fl-ICU. Kien hemm 12,755 każ ġdid fil-Victoria.

Fi Queensland issa hemm 818 persuna fl-isptar u 54 qegħdin fil-kura intensiva. Kien hemm 9,974 infezzjoni ġdida rrappurtati u 18-il mewt.

Fit-Tasmanja kienu rreġistrati 584 każ ġdid tal-COVID-19, l-inqas numru ta’ każi fl-isptar mit-3 ta’ Jannar. Hemm 19-il persuna fl-isptar u persuna waħda fil-kura intensiva.

Għall-miżuri preżenti b’rispons għall-pandemija tal-COVID-19 bil-Malti, iċċekkja, hawnhekk.


Diversi stati għandhom formoli ta’ reġistrazzjoni tar-Rapid Antigen Test

Kwarantina u restrizzjonijiet skont kull stat partikulari:

Ivvjaġġar

Informazzjoni għal vjaġġaturi internazzjonali u informazzjoni dwar l-ivvjaġġar u l-Covid-19  b’diversi lingwi

Għajnuna finanzjarja

Hemm bidliet fid-Disaster Payment għall-COVID-19 meta l-istati jilħqu 70 u 80 fil-mija tal-popolazzjoni tagħhom li tkun imlaqqma kompletament:  Kif tikseb għajnuna waqt il-Covid-19 minn Services Australia b’lingwi differenti



Iċċekkja r-riżorsi maqlubin bil-lingwa tiegħek ippubblikati mis-Servizz ta’ Komunikazzjoni tas-Saħħa Multikulturali ta’ NSW (NSW Multicultural Health Communication Service):


Kliniċi tal-ittestjar f’kull stat u territorju:

NSW 
ACT 

Share

Published


Share this with family and friends


Follow SBS Maltese

Download our apps
SBS Audio
SBS On Demand

Listen to our podcasts
Independent news and stories connecting you to life in Australia and Maltese-speaking Australians.
Interviews and feature reports from SBS News
Get the latest with our exclusive in-language podcasts on your favourite podcast apps.

Watch on SBS
Maltese News

Maltese News

Watch it onDemand