COVID-19 – l-aħħar aġġornament: Il-pulizija federali tinvestiga l-prezzijiet tar-Rapid Antigen Tests fost eluf ta’ lmenti

Dan hu l-aħħar aġġornament dwar il-Coronavirus fl-Awstralja għall-1 ta’ Frar.

Vifaa vya vipimo vya rapid antigen vyatolewa ndani ya boxi

Vifaa vya vipimo vya rapid antigen vyatolewa ndani ya boxi Source: AAP

  • Il-Kummissjoni Awstraljana tal-Kompetizzjoni u l-Konsumatur (ACCC) irreferiet numru ta’ postijiet minn fejn jinbiegħu r-rapid antigen tests lill-pulizija wara li rċiviet aktar minn 100 rapport kuljum mill-konsumaturi ta’ prezzijiet ta’ bejgħ għoli żżejjed għar-rapid antigen tests.
  • Il-Kummissjoni wissiet li minkejja x-xiri tar-RATS ivarja bejn $5 u $10, kien irrappurtat li qegħdin jinbiegħu lill-konsumaturi bejn $20 u $30 b’xi postijiet  żgħar ibigħuhom aktar minn $70 kull test.
  • Il-Prim Ministru Scott Morrison se jagħti $209 miljun fi ħlas lill-ħaddiema fil-kura tal-anzjani b’rispons għall-pressjoni tikber għall-kriżi kontinwa tal-COVID-19 f’settur mill-aktar affettwat mill-virus, imma l-unions ikkritikaw din il-mossa bħala manuvra politika biex jirbaħ il-voti qabel l-elezzjoni.
  • Il-gvern ta’ Victoria se jiftaħ kliniċi ta’ tilqim f’diversi postijiet adattati għat-tfal bħala parti mill-programm biex iżid ir-rata tat-tilqim fost tfal żvantaġġati. Il-postijiet jinkludu iż-Żoo ta’ Melbourne u l-Aquarium.
  • Il-curler Awstraljana tal-Logħob Olimpiku, Tahli Gill se tkompli bit-taħriġ għall-Logħob Olimpiku tax-Xitwa  mas-sieħeb Dean Hewitt wara li ttestjaw pożittivi bil-COVID-19 hekk kif waslu Beijing. Wara l-koppja kellhom diversi testijiet negattivi. 
  • F’dawn l-aħħar erbat ijiem uffiċjali sabu 119 każ tal-COVID-19 fost l-atleti u ħaddiema nvoluti fil-Logħob Olimpiku tax-Xitwa f’Beijing li jibda għada.
  • Il-kabinett ta’ New Zealand se jiltaqa’ għada biex jiffinalizza d-dati tal-ftuħ mill-ġdid tal-fruntieri tal-pajjiż. Bħalissa ċittadini li jerġgħu lura jkollhom jgħaddu 10 ijiem iżolazzjoni f’lukandi ta’ kwarantina bin-numru ta’ postijiet limitati. Dan qed joħloq ħafna stennija ta’ nies jistennew biex jerġgħu lura.
Statistika dwar il-COVID-19:

Fi NSW, bħalissa hemm 2,749 persuna l-isptar bil-virus u 183 pazjent fl-ICU, b’70 minnhom jeħtieġu ventilator. Kien hemm 30 mewt oħra u 12,818 infezzjoni ġdida tal-virus.

Fil-Victoria 851 persuna jinsabu l-isptar u 106 pazjent fil-kura intensiva. Kien hemm 34 mewt oħra rrappurtata u 11,311 każ ġdid.

Fi Queensland, hemm 868 persuna l-isptar u 50 fil-ICU. Kien hemm 10 imwiet u  7,588 każ ġdid.

F’South Australia kienu rrappurtati 273 persuna l-isptar u 22 fil-kura intensiva. Kien hemm 3 imwiet u 1266 każ ġdid.

Fit-Tasmanja  kienu rreġistrati 699 każ ġdid, b’16-il-persuna l-isptar, persuna fl-ICU, u ma kien hemm l-ebda mwiet.

Għall-miżuri preżenti b’rispons għall-pandemija tal-COVID-19 bil-Malti, iċċekkja, hawnhekk.


Diversi stati għandhom formoli ta’ reġistrazzjoni tar-Rapid Antigen Test

Kwarantina u restrizzjonijiet skont kull stat partikulari:

Ivvjaġġar

Informazzjoni għal vjaġġaturi internazzjonali u informazzjoni dwar l-ivvjaġġar u l-Covid-19  b’diversi lingwi

Għajnuna finanzjarja

Hemm bidliet fid-Disaster Payment għall-COVID-19 meta l-istati jilħqu 70 u 80 fil-mija tal-popolazzjoni tagħhom li tkun imlaqqma kompletament:  Kif tikseb għajnuna waqt il-Covid-19 minn Services Australia b’lingwi differenti



Iċċekkja r-riżorsi maqlubin bil-lingwa tiegħek ippubblikati mis-Servizz ta’ Komunikazzjoni tas-Saħħa Multikulturali ta’ NSW (NSW Multicultural Health Communication Service):


Kliniċi tal-ittestjar f’kull stat u territorju:

NSW 
ACT 

Share

Published

Updated


Share this with family and friends


Follow SBS Maltese

Download our apps
SBS Audio
SBS On Demand

Listen to our podcasts
Independent news and stories connecting you to life in Australia and Maltese-speaking Australians.
Interviews and feature reports from SBS News
Get the latest with our exclusive in-language podcasts on your favourite podcast apps.

Watch on SBS
Maltese News

Maltese News

Watch it onDemand