COVID-19 – l-aħħar aġġornament: Victoria u Queensland viċin għal ħajja “normali ġdida”

Dan huwa l-aħħar aġġornament dwar il-COVID-19 fl-Awstralja għat-22 ta’ Frar.

Mhudumu ndani ya mgahawa anayevaa barakoa, akizungumza kwa simu

Masharti ya uvaaji wa barakoa yanabadilika nchini Australia. Sheria tofauti zita tumiwa katika majimbo na wilaya tofauti. Source: Getty Images / andresr E+

  • Fi Queensland mis-6pm tal-Ġimgħa, 4 ta’ Marzu maskri li jitlibsu fuq il-wiċċ mhumiex aktar meħtieġa fil-biċċa l-kbira tal-postijiet. Jibqgħu meħtieġa fl-isptarijiet, faċilitajiet tal-kura tal-anzjani, akkomodazzjonijiet ta’ diżabilità, ħabsijiet, ajruporti u fuq it-trasport pubbliku u ajruplani.
  • Mill-istess data fi Queensland mhux se jkun hemm aktar limitazzjonijiet fin-numru u fil-kapaċità ta’ nies flimkien.
  • Minn Marzu l-konferenzi stampi dwar il-COVID-19 li jsiru kuljum mill-awtoritajiet ta’ Queensland mhux se jibqgħu jsiru.
  • Fil-Victoria mill-11.59pm tal-Ġimgħa 25 ta’ Frar rakomandazzjonijiet dwar is-saħħa pubblika dwar ix-xogħol u l-istudju mid-dar jispiċċaw u l-ilbies tal-maskri tal-wiċċ jitneħħa f’ħafna mill-postijiet.
  • L-ilbies tal-maskri tal-wiċċ jibqa’ jkun meħtieġ fuq it-trasport pubbliku fil-Victoria, fit-taxis u fuq trasport bejn persuni differenti, fuq l-ajruplani u fl-ajruporti u fl-isptarijiet u f’faċilitajiet tal-kura.
  • Fl-iskejjel fil-Victoria l-ilbies tal-maskri ma jibqax ta’ bilfors għall-istudenti fil-livell sekondarju. Studenti minn year 3 u ħaddiema f’ċentri tat-tagħlim kmieni tat-tfal u fl-iskejjel primarji jibqgħu jkunu meħtieġa li jilbsu l-maskri, minħabba rata ta’ tilqim anqas milli kienet mistennija fi tfal bejn il-5 u l-11 il sena.  
  • Maskri tal-wiċċ jibqgħu jkunu meħtieġa għal dawk fil-Victoria li jaħdmu fl-ospitalità u ħwienet, fis-sistema tal-qorti u l-ġustizzja u f’faċilitajiet korrettivi.
  • Mill-ġimgħa d-dieħla l-isptarijiet fil-Victoria se jkunu jistgħu jerġgħu jibdew l-operazzjonijiet kollha.
  • Il-Ministru tas-Saħħa Federali Greg Hunt qal li n-numri ta’ każijiet tal-COVID-19 naqsu b’90 fil-mija mindu l-virus Omicron kien fl-aqwa tiegħu.
  • In-numru ta’ nies fl-isptarijiet huwa anqas min-nofs ta’ dak li kien u, skont il-Ministru Hunt, dan in-numru mistenni jkompli jonqos minħabba n-numru jonqos ta’ każijiet ta’ infezzjoni.


Statistika dwar il-COVID-19 fl-Awstralja

Fi New South Wales kienu rrappurtati 1,293 pazjent fl-isptar b’71 fil-kura intensiva. Kien hemm 14-il mewt u 8,752 każ ġdid tal-COVID-19.

Fil-Victoria, 345 persuna jinsabu fl-isptar, b’48 fl-ICU u 8 fuq ventilators. Kien hemm 14-il mewt u 6,786 infezzjoni ġdida.

Fi Queensland, kien hemm 5,583 każ ġdid tal-COVID-19 u 5 imwiet. 394 persuna jinsabu l-isptar bil-COVID-19, b’34 pazjent fil-kura intensiva.

Fit-Tasmanja ma kienu rreġistrati l-ebda mwiet b’820 każ ġdid tal-COVID-19. 11-il pesuna jinsabu l-isptar bil-COVID-19, tnejn minnhom fl-ICU.

Fl-ACT 41 persuna jinsabu l-isptar bil-COVID-19, b’pazjent 1 fil-kura intensiva. Ma kienet irrappurtata l-ebda mewt b’583 każ ġdid.





Fejn issib klinika tal-ittestjar tal-COVID-19



Irreġistra r-riżultati tar-RAT hawnhekk, jekk tkun pożittiv/a 



Jekk ikollok bżonn għajnuna finanzjarja,  iċċekkja x’inhuma l-għażliet tiegħek


Aqra l-informazzjoni kollha dwar il-COVID-19 bil-Malti fuq l- SBS Coronavirus portal.


Share

Published

Updated


Share this with family and friends


Follow SBS Maltese

Download our apps
SBS Audio
SBS On Demand

Listen to our podcasts
Independent news and stories connecting you to life in Australia and Maltese-speaking Australians.
Interviews and feature reports from SBS News
Get the latest with our exclusive in-language podcasts on your favourite podcast apps.

Watch on SBS
Maltese News

Maltese News

Watch it onDemand