- L-istat ta’ Victoria jħabbar tilqim ta’ bilfors għal ħaddiema awtorizzati
- In-negozji fi NSW se jkomplu jkollhom aċċess għal sapport finanzjarju
- Fi Queensland irreġistrati żewġ każi ġodda lokali
Victoria
F’Victoria kienu rreġistrati 1,143 każ lokali ġdid u tlett imwiet.
Il-ħaddiema kollha fuq il-lista ta’ Ħaddiema Awtorizzati se jkunu meħtieġa li jieħdu l-ewwel doża tal-vaċċin tal-COVID sal-15 ta’ Ottubru biex ikomplu jaħdmu fuq il-post. Iridu jkunu mlaqqma kompletament sa tal-anqas is-26 ta’ Novembru.
Mit-Tlieta, 5 ta’ Ottubru, postijiet ta’ kostruzzjoni jistgħu jerġgħu jiftħu b’sa 25 fil-mija tal-kapaċità tal-ħaddiema, imma l-ħaddiema jridu jkunu ħadu tal-anqas l-ewwel doża tat-tilqima tagħhom. L-erja tal-gvern lokali ta’ Moorabool se tidħol f’lockdown ta’ sebat ijiem min-nofsillejl.
Hawnhekk issib ċentru tat-tilqim viċin tiegħek.
New South Wales
Fi NSW kienu rreġistrati 864 każ lokali ġdid u 15-il mewt.
It-Teżorier Dominic Perrottet assigura mill-ġdid lin-negozji eliġibbli li sapport finanzjarju se jkompli sat-30 ta’ Novembru, sakemm jissodisfaw ċerti ħtiġijiet.
Għotjiet se jkomplu jingħataw lin-negozji żgħar – li jdaħħlu anqas minn $75,000 f’perjodu partikulari – imma imnaqqas bin-nofs għal $750 kull ħmistax.
Verżjoni mnaqqsa tal-programm JobSaver se tibqa’ disponibbli wkoll għan-negozji li jkunu tilfu aktar minn 30 fil-mija tal-qligħ tagħhom.
Ikklikkja hawnhekk biex tibbukkja appuntament għat-tilqima tiegħek illum.
Australian Capital Territory
Fit-territorju kienu rreġistrati 53 każ lokali ġdid u żewġ imwiet.
Il-Ministru Ewlieni tal-ACT Andrew Barr qal li 40 fil-mija ta’ dawk eliġibbli f’Canberra għadhom m’humiex imlaqqma kompletament, u l-biċċa l-kbira ta’ dawn in-nies għandhom taħt l-40 sena.
Ikklikkja hawnhekk biex tibbukkja t-tilqima tiegħek tal-COVID-19.
Madwar l-Awstralja fl-aħħar 24 siegħa
- Fdalijiet tal-virus instabu f’kampjuni tad-drenaġġ fl-inħawi industrijali ta’ Berrimah, Winnellie u East Arm f’Darwin.
Kwarantina, ivvjaġġar, kliniċi tal-ittestjar u pandemic disaster payment
Kwarantina u ħtiġijiet tal-ittestjar huma mmaniġġjati u implimentati mill-gvernijiet statali u territorjali.
NSW Travel & transport and Quarantine
VIC Travel permit, Overseas travellers and Quarantine
ACT Transport and Quarantine
NT Travel and Quarantine
QLD Travel and Quarantine
SA Travel and Quarantine
TAS Travel and Quarantine
WA Travel and Quarantine
Jekk trid tivvjaġġa barra l-Awstralja, tista’ tagħmel hekk billi tapplika onlajn għal eżenzjoni. Ikklikkja hawnhekk għal aktar informazzjoni dwar il-kundizzjonijiet biex tħalli l-Awstralja. Hemm miżuri temporanji għal titjiriet internazzjonali li huma riveduti regolarment mill-gvern u aġġornati fuq il-websjat ta’ Smart Traveller.
- Aħbarijiet u informazzjoni f’aktar minn 60 lingwa f’ sbs.com.au/coronavirus
- Linji gwida relevanti għall-istat jew territorju fejn toqgħod: NSW, Victoria, Queensland, Western Australia, South Australia, Northern Territory, ACT, Tasmania.
- Informazzjoni dwar COVID-19 vaccine in your language.
Iċċekkja r-riżorsi maqlubin bil-lingwa tiegħek ippubblikati mis-Servizz ta’ Komunikazzjoni tas-Saħħa Multikulturali ta’ NSW (NSW Multicultural Health Communication Service):
Kliniċi tal-ittestjar f’kull stat u territorju:
Informazzjoni dwar il-Pandemic disaster payment f’kull stat u territorju:
