Key Points
- Dawk li mhumiex imlaqqma fl-Awstralja huma “skoraġġiti ħafna” milli jivvjaġġaw: Department of Foreign Affairs and TradeUnvaccinated Australians are "strongly discouraged" from travelling: Department of Foreign Affairs and Trade
- L-Uffiċjal Mediku Ewlieni Michael Kidd jinkoraġġixxi lin-nies fl-Awstralja biex “ikollhom pjan ta’ kontinġenza”Deputy Chief Medical Officer Michael Kidd encourages Australians to "have a contingency plan"
- ATAGI jirrakomandaw żewġ dożi tal-vaċċin tal-monkeypox għall-grupp speċifiku li għandhom jittieħdu minn 4-6 ġimgħat qabel jivvjaġġaw ATAGI recommends two doses of monkeypox vaccine for a specific group 4-6 weeks before their travel
Kelliemi għad-Dipartiment tal-Affarijiet Barranin u Kummerċ qal lil SBS li dejjem hemm perikli fl-ivvjaġġar.
"Is-sitwazzjoni tal-ivvjaġġar internazzjonali hija aktar kumplessa. Ninkoraġġixxi bil-qawwa lin-nies fl-Awstralja biex ikunu lesti qabel jivvjaġġaw u jżommu ruħhom aġġornati dwar l-aspetti kollha tal-ivvjaġġar,” qal il-kelliemi għad-Dipartiment.
Allura xi jfisser li tkun lest/a biex tivvjaġġa?
1. Agħmel riċerka fejn tkun sejjer/sejra
In-nies fl-Awstralja jistgħu jużaw Smartraveller, app tal-gvern, li jipprovdi l-aħħar informazzjoni dwar l-ivvjaġġar biex tifhem il-ħtiġijiet u r-riskji f’178 destinazzjoni.
L-informazzjoni li għandha x’taqsam mal-aċċess konsulari tista’ tinkiseb minn fuq il-portal.
Dawk li jkunu qegħdin jivvjaġġaw lejn l-Awstralja jistgħu jiċċekkjaw ir-restrizzjonijiet tal-fruntieri u l-ħtiġijiet lokali qabel jaslu l-Awstralja.
2. Ħu t-tilqimiet li jkollok bżonn
Ċittadini Awstraljani, residenti permanenti u viżitaturi internazzjonali jistgħu jħallu l-Awstralja meta jridu.
Madankollu, għal xi pajjiżi ċ-ċertifikat tat-tilqim tal-COVID-19 għadu obbligatorju qabel tasal fil-pajjiż.
Kelliemi għad-Dipartiment tal-Affarijiet Barranin u Kummerċ (Department of Foreign Affairs and Trade) qal li dawk in-nies fl-Awstralja li mhumiex imlaqqma kontra l-COVID-19 huma “skoraġġiti li jivvjaġġaw barra l-Awstralja minħabba perikli tas-saħħa.”
Fassal pjan ta’ kontinġenza
Id-Deputat Uffiċjal Mediku fl-Awstralja Michael Kidd jinkoraġġixxi lin-nies fl-Awstralja biex “ikollhom pjan ta’ kontinġenza” jekk jimirdu jew ikollhom jiżolaw meta jkunu barra l-Awstralja.
"Huwa importanti għall-Awstraljani kollha li jsegwu l-ordni tas-saħħa pubblika u l-pariri tagħhom,” qal il-Professur Kidd.
Jista’ jkun aħjar li tivvjaġġja fi ftit postijiet milli f’ħafna postijiet kuljum, fil-każ li tħossok ma tiflaħx u jkollok tieqaf tivvjaġġa.
Ħu l-inxurjans qabel tivvjaġġa
Dawk li jivvjaġġaw huma mwissija li jiċċekkjaw biex jaraw jekk l-inxurjans tal-ivvjaġġar tagħhom tkoprix l-inxurjans tas-saħħa għall-COVID-19 u waqfien relatat fl-ivvjaġġar.
Smartraveller ingħaqdu ma’ CHOICE biex jipprovdu lin-nies fl-Awstralja bi gwida kif tikseb l-inxurjans tal-ivvjaġġar.
X’inhi s-sitwazzjoni dwar il-monkeypox?
In-numru jikber tal-każijiet tal-monkeypox (MPX) ġiegħel lill-organizzazzjoni Dinjija tas-Saħħa biex tiddikjara pandemija globali fit-23 ta’ Lulju.
Mill-1 ta’ Jannar, 83 pajjiż irrappurtaw aktar minn 23,000 każ ikkonfermat u tmien imwiet. Fl-Awstralja nstabu tal-anqas 58 każ tal-MPX, il-biċċa l-kbira minn vjaġġaturi li reġgħu lura l-Awstralja minn pajjiż ieħor.
Kelliemi għad-Dipartiment tas-Saħħa u l-Kura tal-Anzjani qal lil SBS li n-nies fl-Awstralja għandhom joqogħdu attenti għal sinjali ta’ infezzjoni tal-MPX jekk ikunu vvjaġġaw jew reġgħu lura minn pajjiżi fejn instabu l-każijiet tal-virus.
"Huma mħeġġa biex ifittxu għajnuna medika jekk jaħsbu li kienu esposti għall-virus,” qal il-kelliemi.
Għandek tieħu l-vaċċin MPX qabel tivvjaġġa barra l-Awstralja?
L-informazzjoni mill-Organizzazzjoni Dinjija tas-Saħħa turi li 98 fil-mija tal-każijiet tal-MPX huma rġiel li jkollhom sess ma’ rġiel oħra.
U l-vaċċin preżenti tas-smallpox CAM-2000 mhux effettiv kontra l-MPX. Mhux irrakomandat ukoll għal nies b’sistemi ta’ immunità dgħajfa u HIV.
L-Awstralja kisbet provvista ta’ vaċċin aktar protettiv magħruf bħala JYNNEOS. Gruppi vulnerabbli jistgħu jieħdu l-vaċċin minn din il-ġimgħa.
Il-Grupp ta’ Konsulenza Teknika fl-Awstralja dwar it-Tilqim (Australian Technical Advisory Group on Immunisation) qal li l-vaċċin JYNNEOS jista’ jkun amministrat f’żewġ dożi b’injezzjoni taħt il-ġilda b’ta’ lanqas 28 ġurnata bejn tilqima u oħra.
ATAGI qalu li l-vaċċin huwa bla periklu biex jintuża għal dawk b’sistema immunitarja dgħajfa kaġun ta’ kundizzjonijiet mediċi, u fuq tfal jew waqt tqala wara li jsir assessjar tal-periklu.
ATAGI bħalissa jirrakomandaw JYNNEOS lil:
1. Dawk meqjusa mill-awtoritajiet tas-saħħa pubblika bħala ta’ riskju għoli b’kuntatt mal-monkeypox fl-aħħar 14-il ġurnata
2. Irġiel gay, bisesswali u rġiel oħra li jkollhom sess ma’ rġiel
3. Ħaddiema fl-industrija tas-sess, partikularment dawk li l-klijenti tagħhom ikklassifkati f’kategoriji ta’ riskju għoli
4. Dawk kollha fil-kategoriji ta’ riskju msemmija hawn fuq li qegħdin jippjanaw li jivvjaġġaw lejn pajjiż li qed jesperjenzaw imxija sinifikanti tal-virus, bit-tilqima rrakomandata minn 4 sa 6 ġimgħat qabel it-tluq tagħhom.
5. Provvedituri tat-tilqim li qegħdin jamministraw il-vaċċin tal-CAM2000 smallpox.
L-SBS huwa impenjet li jipprovdi l-aġġornamenti kollha tal-COVID-19 lill-komunitajiet multikulturali u multilingwali. Evita sitwazzjonijiet ta’ periklu u żomm ruħek infurmat/a billi żżur
