Is-sabiħ u l-ikrah tal-ħajja | Victor Vella
Navigating Life’s Merits and Adversities - Image nam-huong-nguyen-5VmchxQZu5Y-unsplash.jpg
Victor Vella, kittieb Malti Awstraljan jitkellem dwar l-esperjenzi tas-sabiħ u l-ikrah tal-ħajja u kif nitgħallmu ngħaddu minn żminijiet diffiċli u nħarsu b’mod pożittiv ’il quddiem.
[mużika]
Għadni kemm irċevejt ritratt sabiħ kollu kuluri ċari ta' taħt il-baħar u x'ħin tarah taħseb li qiegħed tgħum qalb dawk il-kuluri, kollha kuluri sbieħ u l-kwiet i leqq. Kwadru li joħloq ċertu kwiet u solitudni. U jista' jkun li xi ħadd iżid qisek qiegħed il-ġenna. Tistenna xi buffura riħ u l-baħar jitlagħlu u jkun irid li jkissir il-blat madwaru u jqaċċat dawk il-pjanti sbieħ u l-kulur li jintilfu qalb il-ħama u l-mewġ qawwi. U f'kemm ili ngħidlek il-veduta tinbidel fi traġedja. Jekk tqum iż-ziffa li semmejt u tissaħħaħ ġmielha u s-sinjur rifnu u jinqala' l-inkwiet. U l-verità tas-sabiħ hi sabiħa meta tkun tgħix fiha għal ftit almenu u jalla għal ħafna. Imma l-verità hi, u jkolli nżid, sfortunatament hi xorta oħra. U l-verità mħawra b'kollox fiha s-sabiħ u allaħares ma jkunx hu, imma jiġi wkoll iż-żmien li dak idub jew jinbidel u jsir ikrah. Allavolja ninsabu fil-bogħod mill-gwaj u speċjalment mill-gwerer, xi darba meta ma tkunx tistenniha xi ħaġa jiġri li jsewwed il-veduta.
[mużika ta' intervall]
Fid-dinja jew fil-ħajja jiġru affarijiet kbar u żgħar li fuqhom ftit jew wisq għandna kontroll. Iva fil-każ tal-gwerer mhux f'idejna, lanqas nistgħu ngħidu li nistgħu nikkontrollaw mard, xjuħija, inkwiet, depression. Nafu li dawn jiġru u l-importanti hu kif se ssib tarf taqdef meta jiġi l-maltemp. Fil-kwadru li bdejt bih hemm ċertu kwiet u serenità li iva ssaħħek u jagħtik li taqbeż u tgħum fiha għax il-baħar bnazzi. Imma naħseb tafu daqsi li tajjeb li ma tgħix dejjem f'qamar jew taħt l-ilma tgawdi x-xena. Kultant trid titla' għall-arja u tara kif int sejjer jew sejra fid-dinja. Bħal ħafna gadgets li għandna jaħdmu bl-elettriku, kultant trid tiċċarġjahom u għax iridu naqra power jew saħħa u speċi ta' kuraġġ biex ikomplu jaħdmu. U aħna l-istess. Darba ilu kont qrajt ktieb irqiq ħafna, naħseb li għalhekk qrajtu, li kien jismu Taf Kun Ferħan. U naħseb għalhekk qrajtu għax aħna għandna ħafna min jidhirli li kien il-film li kien jismu Desperately Seeking Happiness. Il-bużillis hi l-kif, il-dik jew dak li nsejħulhom il-how. Kif se nsib dan is-serħ, dan il-kwiet u din il-paċi. Iva tista' tmur cruise jew tixrob jew tibni dar kbira u lussuża u wkoll tafu daqsi x'tistgħu tagħmlu. Insomma tipprova toħloq veduta jew xi ħaġa sabiħa li tissodisfak almenu għal ftit u nispera li toffri ċertu serħ jew xejn ħażin minn dan. Imma naħseb l-iktar ħaġa li tista' tagħmel hi li tivvinta jew tikseb set molol bħal tal-karozza. Li ssuq fejn issuq sew fuq it-tarmak u sew fost il-ħofor ta' dawk it-toroq antiki ta' Malta li tiġri u ssuq u qisek mhux int kemm kemm ħossu. Għax għandek il-molol li donnhom iwittulek u jnaqqsulek il-fond tal-ħofor u tal-ġebel li tiltaqa' magħhom.
[mużika]
Daż-żmien għandna l-libertà imma qegħdin insibu li bħas-soltu tant għandna li qegħdin nitilfuha. Ma nafux x'naqbdu nagħmlu biha. Neħħejna l-passat bl-istorja, bit-twemmin, b'kollox u tlifna dik il-paċi u l-kwiet sempliċi li kellhom in-nanniet tagħna bis-sempliċità u bin-nuqqas ta' imbarazz li għandna llum. Imma kienu jgħixu f'ċertu kwiet u fuq kollox jaċċettaw dak li kien jiġrilhom. U kien jiġrilhom ukoll bħala parti mill-ħajja, kemm is-sabiħ u kemm l-ikrah. Aħna mingħalina li ħlisna mill-ikrah naħseb li tajjeb li l-ġirja tal-ħajja nipprovaw insibu l-molol li jistgħu jgħinuna biex inkunu kapaċi nsuqu fuqu u nitluxjaw it-tumbati.
[mużika ta' tħaffir]
