Malta u Għawdex, tilfu l-ġgant tal-ktieb Malti, li rnexxielu jpoġġi l-ktieb Malti fuq saqajh. Meqjus bħala l-Missier tal-ktieb Malti, Pawlu Mizzi kien il-fundatur tal-Klabb Kotba Maltin fl-1969 u aktar tard Midsea Publications, li ppubblikat għadd ta’ kotba ta’ riċerka dwar Malta. Il-pubblikazzjonijiet tiegħu llum huma kisbiet sinifikanti fil-letteratura, lingwa, storja u kultura Maltija. F’din l-intervista li kienet saret minn Joe Axiaq (SBS) u Sonya Young (RTK), waqt il-kollegament dirett bejn l-SBS Radio f’Melbourne u l-RTK f’Malta, f’Jannar 2010, Pawlu Mizzi jitkellem x’kien ġiegħlu jwaqqaf il-Klabb Kotab Maltin u wara l-Midsea Publications u kif irnexxielu jikseb suċċess fis-suq limitat tal-ktieb Malti.
Share
