Mary Grech, personalità tat-televixin u l-palk tibqa’ fil-qalb tal-poplu Malti
Mary Grech - Photo from Malta TV Awards 2017.jpg
Tħabbret il-mewt ta’ Mary Grech, waħda mill-pijunieri tax-xandir fuq TVM. Hija kellha 88 sena. Kienet waħda mill-ewwel preżentatriċi meta l-Malta Television meta jxandar fl-1962. Bħala attriċi bdiet il-karriera ta’ eta' żgħira. Kompliet tispikka f’partijiet ewlenin fil-qasam tal-palk, ir-radju u t-televixin f’uħud mill-aqwa drammi.
Joe: Tħabbret il-mewt ta' waħda mill-pijunieri tax-xandir fuq it-television f'Malta, Mary Grech, li mietet fl-età ta' 88 sena. Hija kienet l-ewwel preżentatriċi li kienet tintroduċi l-programmi fuq il-Malta Television meta beda jxandar fl-1962.
Mary: Il-programm li jmiss issa huwa Cabaret il-Maltija, li fih jieħdu sehem Victoria Briffa u Joe Barrows. F'dan il-programm li jipproduċih u jintroduċih Victor Aquilina, sejrin taraw ukoll lil Charlie Clews, iċ-ċkejken Raymond Debono u l-kwartet ta' Spiro Zammit. MTV tippreżenta Cabaret il-Maltija.
Joe: Mary Grech bdiet il-karriera bħala attriċi ta' età żgħira fejn kompliet tispikka f'partijiet ewlenin fil-qasam tal-palk, ir-radju u t-television f'uħud mill-aqwa drammi. Kienet miżżewġa lil Victor Grech, attur magħruf sewwa wkoll. Tul is-snin, Mary Grech kellha sehem importanti fix-xandir Malti fejn ħadmet bħala continuity announcer, rat l-aħbarijiet u wasslet rapporti mill-Parlament. Il-preżenza tagħha fuq it-televiżjoni flimkien mal-vuċi distintiva tagħha malajr għamlitha wiċċ familjari fid-djar Maltin. Fl-Awstralja, għal bosta snin, fis-snin tmenin u disgħin, Mary Grech kienet kontributriċi regolari fil-programmi tagħna ta' l-SBS fejn kienet tlaqqagħna ma' personalitàijiet Maltin.
Mary: Għal darb'oħra din hija Mary Grech li qiegħda ssellem lis-semmiegħa ħbieb tagħna kollha Maltin u Għawdxin ġewwa l-Awstralja. Iż-żmien ma jistenna lil ħadd, reġa' għadda xahar ieħor u llum għal darb'oħra għandi personalità li jiena inni ħafna, eh, biex ngħid hekk, nixtieq li nressaqha lilkom is-semmiegħa. Din hija, ħa ħlief, waħda mill-attriċi verament popolari li nimmaġina hemm ħafna emigranti fl-Awstralja illi segwew xi play, xi radio play, xi operetta tagħha. Naħseb illi diġà indunajtu min hi, m'għandha l-ebda bżonn ta' introduzzjoni. Eżi s-semmiegħa, illum se nwasslilkom lil Terry Bencini. Terry, nirringrazzjak talli ġejt hawnhekk. Jiena, nista' nimmaġina kemm-
Joe: Mary Grech mill-programmi tagħha li kienet tibagħtilna għal l-SBS. Matul il-karriera tagħha Mary Grech ippreżentat ukoll diversi serati u programmi u kienet magħrufa għar-relazzjoni tagħha mal-pubbliku. Hija kienet tiddeskrivi s-17-il sena tagħha fuq it-televiżjoni bħala żmien tad-deheb. Mary Grech tibqa' mfakkra bħala pijuniera fix-xandir, mara li kienet hemm mill-biduniet tat-televiżjoni. Il-wirt tagħha jibqa' jgħix mhux biss fil-memorji ta' dawk li segwewha iżda wkoll fl-istorja tax-xandir Malti.
[mużika]
