Австралийн Холбооны Улсын Амбан захирагч эрхэмсэг хатагтай Сам Мостин (AC), Эрхэмсэг ноён Симеон Бэкэтт нарыг Монгол Улсад хийж буй албан ёсны айлчлалын хүрээнд улаан хивсний ёслолоор хүндэтгэн угтав. Her Excellency the Honourable Ms Sam Mostyn AC, Governor-General of the Commonwealth of Australia and His Excellency Mr Sam Beckett receive a red carpet welcome ceremony, as part of the official visit to Mongolia. Credit: CPOIS Andrew Dakin
"Монгол Улсын Ерөнхийлөгч У.Хүрэлсүх, Австралийн Холбооны Улсын Амбан захирагч Саманта Мостин нар албан ёсны уулзалт хийлээ. Ерөнхийлөгч У.Хүрэлсүх Австралийн Амбан захирагчийн түвшинд 30 гаруй жилийн дараа болж буй айлчлал харилцаанд шинэ хуудас нээж буйг онцолсон байна. Австрали нь ардчилал, хүний эрх, эрх чөлөө, зах зээлийн эдийн засгийг эрхэмлэсэн нийтлэг үнэт зүйлс бүхий Монгол Улсын чухал “гуравдагч хөрш”, Энэтхэг-Номхон далайн бүс нутаг дахь ойр дотно түнш гэдгийг тэмдэглэлээ. Амбан захирагч С.Мостин, Австрали Улс нь ардчиллын нэгдмэл үнэт зүйлс бүхий Монгол Улстай хөгжүүлж буй харилцаа, хамтын ажиллагаандаа өндөр ач холбогдол өгдгийг онцлон тэмдэглэв." хэмээн Монгол Улсын Гадаад Харилцааны яам цахим хуудаснаа нийтэлжээ. Credit: Монгол Улсын Гадаад Харилцааны Яам /Ministry of Foreign Affairs of Mongolia
"Монгол Улс болон “Рио Тинто”-гийн хамтын ажиллагааны үр дүнд байгуулагдсан “Оюу толгой” уурхайд тэд зочилж, Амбан захирагч болон ноён Беккет нар 1.3 километрийн гүнд бууж, аюулгүй ажиллагаанд онцгойлон анхаарсан, дэлхийн жишигт нийцсэн “deep block cave mining” арга технологийн бүтээлч, үр дүнтэй ажиллагааг газар дээр нь үзэж сонирхлоо. Австрали Улс Монголын “гуравдагч хөрш”-ийн нэг бөгөөд бид ардчилсан үнэт зүйлсээрээ ойролцоо, харилцаа маань боловсрол болон иргэн хоорондын харилцаагаар улам батжин, ач холбогдол нь өсөн нэмэгдэж байна." хэмээн Амбан захирагч өөрийн цахим хуудаснаа илэрхийлжээ. Credit: CPOIS Andrew Dakin
“Их тэнгэр” цогцолборт ард түмний найрамдал, нөхөрлөлийг бэлгэдэн дурсгалын мод тарилаа. Credit: CPOIS Andrew Dakin
Тэд Ханбогд сумын малчин айлд зочилжээ. Credit: CPOIS Andrew Dakin
Оюу толгой уурхай байрладаг Өмнөговь аймгийн Ханбогд сумын малчин айлд зочлов. Credit: CPOIS Andrew Dakin
Айлчлалын хүрээнд Налайх дүүргийн Политехникийн коллежид зочиллоо. Credit: CPOIS Andrew Dakin
Чингис хаан Үндэсний музейн тусгай үзүүллэгийн танхимаар зочилж “Их шүтээн: Эзэн Чингис хаан” тусгай үзэсгэлэнг үзэж сонирхлоо. Credit: Чингис хаан Үндэсний музей
Монгол Улсын Үндэсний номын санд зочилж, Үнэт ховор номын музейг үзэж сонирхжээ. Эрхэмсэг хатагтай Саманта Мостин “Миний ээж номын санч хүн байсан учраас хүүхэд байхдаа аавтайгаа хамт номын санд ээжийнхээ ажлаар дандаа л очдог байлаа. Би өөрөө Австралийн Үндэсний болон Мужуудын номын сангийн холбооны Хүндэт Ерөнхийлөгчийн сонгуульт албан тушаалтай байдаг" хэмээн дурсаж, тус номын сангаар зочлохыг айлчлалынхаа хөтөлбөрт багтаахыг хүссэн гэлээ. Тэрээр Австралийн зохиолчдын шилдэг ном бүтээлийн дээжээс 40 гаруй номыг Монгол Улсын Үндэсний Номын Сангийн сан хөмрөгт хандивлажээ. Credit: Монгол Улсын Үндэсний Номын Сан
Айлчлалын хүрээнд тэд " Эмэгтэйчүүдийн уур амьсгалын өөрчлөлтийг даван туулах чадавхыг бэхжүүлэх хөтөлбөр”-ийн хэрэгжилттэй танилцжээ. Credit: CPOIS Andrew Dakin
"Энэхүү айлчлал хоёр орны найрсаг харилцаа, итгэлцэл, түншлэлийн хүрээг өргөтгөн, хамтын ажиллагааг цаашид улам бататгах бат бөх үндэс суурийг тавилаа." хэмээн Монгол Улсын Гадаад Харилцааны сайд Б.Батцэцэг илэрхийлжээ. Credit: Монгол Улсын Гадаад Харилцааны яам
Ийнхүү Монгол Улсын Ерөнхийлөгч Ухнаагийн Хүрэлсүхийн урилгаар хүрэлцэн ирсэн Австралийн Холбооны Улсын Амбан захирагч Саманта Мостин, нөхөр Симеон Бэкэтт нарын төрийн айлчлал өндөрлөлөө. Хүндэт зочдыг Гадаад харилцааны сайд Б.Батцэцэг, Монгол Улсаас Австралийн Холбооны Улсад суугаа Онц бөгөөд Бүрэн эрхт Элчин сайд Д.Даваасүрэн, Австралийн Холбооны Улсаас Монгол Улсад суугаа Онц бөгөөд Бүрэн эрхт Элчин сайд Лео Зенг болон албаны бусад хүн үдэж мордууллаа. Credit: Монгол Улсын Гадаад Харилцааны яам
