Census 2021| Австралид Монгол хэлээр ярьдаг хүний тоо 144% нэмэгджээ

Монгол хэл гэж ямар хэл болохыг сонирхсон найзууддаа үзүүлээрэй.

Дэлхий даяар 10 сая орчим хүн Монгол хэлээр ярьдаг. Тэдний 3,3 сая нь Монголдоо амьдардаг бол бусад нь дэлхийн өнцөг булан бүрт тархан суурьшдаг. Тэгвэл Австралид Монгол хэлээр ярьдаг хүний тоо сүүлийн 5 жилийн дотор 144 хувиар өссөн байна. Энэ бол магадгүй хамгийн өндөр өсөлттэй хэл байж болох ч нийт хүний тоо нь бусад улсуудтай харьцуулахад цөөн.

Snapshot of Mongolian speakers - screengrab from SBS Census Explorer Credit: SBS Census Explorer

Монгол хэл, бичиг бол Монголчууд бидний өв соёл, үүх түүхийг агуулсан үндэсний соёл юм. Монголчууд бид л дээрээс нь доош чиглэлд бичдэг хосгүй Монгол бичиг үсэгтэй. Энэ бичгээрээ Монголын төдийгүй дэлхийн түүхийг бичиж, олон зуун ном судрыг есөн эрдэнээр бүтээж, торго дурданаар баринтаглаж өдий болтол хадгалан иржээ.