Австрали улс энэ өдрүүдэд хөл бөмбөгөөр амьсгалж байна.
Matilda-чууд эмэгтэйчүүдийн дэлхийн аварга шалгаруулах тэмцээнд түрүүлэх мөрөөдлөө биелүүлэхээр зүтгэж байна.
Тэд даваа гарагийн орой /8-р сарын7-ны орой/ Сидней хотын цэнгэлдэх хүрээлэнд Данийн багийг 2:0-ээр буулган авснаар шөвгийн наймд шалгарлаа.
Ням гарагийн шөнө дэлхийн чансааны нэгдүгээрт бичигддэг АНУ-ыг Шведийн шигшээ баг торгуулийн цохилтоор буулган авсан.
Энэ баг энэ тэмцээнд гурав дахь удаагаа түрүүлнэ гэсэн итгэл найдвартайгаар тоглож байсан юм.
Дэлхийн номер 2, хошой аварга Герман пүрэв гарагийн орой хэсгийн шатанд хожигдож, Олимпийн аварга Канад болон Бразилийн шигшээ багуудтай ганзага нийлүүлэн буцахаар болж байна.
Matildas одоо хэнтэй тоглох вэ?
Одоо тэд Франц, Марокко хоёрын аль нэгтэй тулна. Өнөө орой болох тоглолтоос энэ хоёрын хэн ялсантай нь тоглоно гэсэн үг юм.
Тэд хожигдвол тэмцээнээс хасагдана. Харин хожиж, хагас шигшээд шалгарсан тохиолдолд Англи, Колумб, Ямайкийн аль нэгтэй нь өрсөлдөх болно.
Matildas хэзээ тоглох вэ?
Тэдний дараагийн тоглолт 8-р сарын 12-ны Бямба гарагт Брисбэн хотод болно. AEST 5pm цагт, Өмнөд Австрали болон Хойд Бүс Нутагт 4:30, Баруун Австралид 3:00 цагт эхэлнэ.
Одоо учраа баг хэн байхаас үл хамааран Matildas-д маш их хүлээлт үүсгэж байна.
Багийн довтлогч Caitlin Foord сэтгүүлчдэд хэлэхдээ "Бидэнд тийм ч их дарамттай санагдахгүй байна” гэж ярьжээ.
"Бид зүгээр л тоглолтондоо дурлаж, энэ мэдрэмжээрээ амжилтаа ахиулж байна” гэжээ.
"Бид энэ амжилтаа үргэлжлүүлж, илүү сайн байхыг хүсч байна. Одоо гүйцэтгэлээ ямар байх, хамгийн доод хэмжээ хэд байх ёстойг тогтоосон.
Хэрэв бид тэмцээнийг дуустал тоглохыг хүсвэл өөр түвшинд ажиллах ёстой гэдгээ бид мэдэж байгаа."
Гэхдээ Австрали бямба гаригийн шөвгийн наймд шалгарч, дэлхийн аварга шалгаруулах тэмцээнийг үргэлжлүүлэхээс өөр хүсэл мөрөөдөл байхгүй.
"Энэ бол мэдээж бидний мөрөөдөл. Тийм ээ, хүн бүр үүнийг хийхээр энд ирсэн" гэж Kerr хэлэв.
