د کريکټ نړيوالې شورا د ۲۰۱۹ کال کريکټ نړيوال جام تياريو خبر ورکړی او تمريناتي لوبو مهالويش يې اعلان کړ.
۲۰۱۹ کال کريکټ نړيوال جام د می مياشت په ديرشمه نيټه پيل کيږي.
د ۲۰۱۹ کال نړيوال جام کې به لس هيوادونه لوبيږي او انګلستان به د يادو لوبو کوربه وي.
د کريکټ نړيوالې شورا رپوټ له مخه د نړيوال جام رسمي لوبو پيل څخه مخکې هر لوبډله دوه تمريناتي لوبې ترسره کوي.
لومړنۍ تمريناتي لوبه د افغانستان او پاکستان لوبډلو ترمينځ د می د مياشتې په ۲۴ نيټه ترسره کيږي.
پاکستان خپله دويمه تمريناتي لوبه بنګله ديش هيواد خلاف پر ۲۶ د می ترسره کوي او بيا افغانستان خپله دويمه تمريناتي لوبه انګلستان خلاف د می د مياشتې په ۲۷ نيټه ترسره کوي.
د ۲۰۱۹ کال کريکټ نړيوال جام کې ، افغانستان، اسټراليا، بنګله ديش، انګلستان، پاکستان، ويسټ اينډيز، سريلانکا، هندوستان، جنوبي افريقا او نيوزيلينډ هيوادونه شامله دي.
۲۰۱۹ کال نړيوال جام به د می مياشتې ۳۰ څخه پيل او پایلوبه به د جولای مياشت په ۱۴ نيټه ترسره کيږي.
د ياد جام لومړني پړاو لوبو کې به افغانستان خپله لومړنۍ لوبه د اسټراليا خلاف کوي او له هغې وروسته به نورو ټولو لوبډلو سره لوبيږي او پاکستان به خپله لومړنۍ لوبه د ويسټ اينډيز هيواد خلاف ترسره کوي.
