ټولنيزو رسنيو کې خپرې شوې ويډيو کې ليدل کيږي چې يو موټر د مکه الحرم ستر جومات دروازې لور ته موټر تيز سرعت سره چلوي ولې مخکې لدې چې ياد کس د مکه جومات ته داخل شي موټر يې دوازه کې بنديږي.
سعودي رسنيو خبر له مخه ياده پيښه کې چاته زيان ندی رسيدلی.
د پيښې ځای کې ليدل کيږي چې ډير شمير خلک له موټر څخه راتاو دي او د ياد موټر له جومات څخه لرې کولو کوښښ کوي.
پوليسو د موټر ډريور نيولی او له ياد کس څخه پلټنه روانه ده، موټر چلوونکی د سعودي عرب اوسيدونکی دی او د ياد هيواد تابعيت لري.
د مکه الحرم جومات د کرونا ويروس وبا له امله مياشتو لپاره تړل شوی وه او پدې وروستيو کې لږ شمير مسلمانانو ته په ياد جومات کې لمونځ کولو اجازه ورکړل شوې.
شریکول
