د نیو ساوت وېلز ایالت د افغانانو د ټولنې ټاکنې په هرو دریو کلونو کې یو ځل ترسره کېږي. تېره ورځ ( اکټوبر ۱۸ نېټه) یو ځل بیا د دغې ټولنې د مشرتابه او غړو د ټاکلو لپاره ټاکنې ترسره شوې.
د ټاکنو پایلې ښايي چې د ټولنې مشرۍ لپاره د يادې ټولنې پخوانی مشر نادر اعظمي د ۱۱۰۴ رایو په ترلاسه کولو سره یو ځل بیا د نیو ساوت وېلز ایالت د افغانانو د ټولنې د مشر په توګه وټاکل شو. همدا راز تمیم انور یار د۹۸۳ رایو په ترلاسه کولو د دغې ټولنې د مرستیال په توګه ټاکل شوی.
د روان کال په ټاکنو کې ۱۸ تنه افغانانو ځانونو نوماند کړي ول چې له ياد شمير کسانو څخه ۷ کسان د ټولنې پر مخ وړلو لپاره وټاکل شول.
د ټاکنو نوماندانو د رايو شمېر په لاندې ډول ده.
د ریاست څوکۍ لپاره نوماندان:نادر اعظمي ۱۱۰۴
نصیبه اکرم ۵۸۹
سهراب صاحبزاده ۴۰
د مرستیال څوکۍ لپاره نوماندان:تمیم انوریار ۹۸۳
شبیر احمد کاکړ ۶۷۵
د سکرتریت څوکۍ لپاره نوماندان:منصور منصوري ۹۹۱
عبادالله عمید ۵۵۳
د خزانه داری څوکۍ لپاره نوماندان:حاجی شمس واسع ۹۹۶
محمد ناصر ذبیح ۶۶۱
لاندې کسانو ځانونه د غړو په توګه نوماندان کړي و:
فرید سلطاني ۸۲۹
قاري محمد داوود ۶۵۷
ولید پوپلزی ۶۰۷
احمد ماهر مومند ۵۰۳
محمد رفیع شینواری ۳۷۳
فواد نوابي ۵۳۶
قدسیه صدیقي ۵۱۳
ماریا عطايي ۵۲۸
ببرک کارمند ۵۳۴
د افغانانو د همکارۍ ټولنې نوي غړي : محمد نادر اعظمي، تميم انوريار، منصور منصوري، شمس واسيح، فريد سلطاني، قاري داود، وليد پوپل.
افغانان په آسټرالیا کې شاوخوا ۱۶۰ کاله اوږد تاریخ لري. په آسټرالیا کې د افغانستان سفارت لخوا خپره شوې شمېرې ښيي چې په ۲۰۱۶ م کال کې د افغانانو شمېر په آسټرالیا کې شاوخوا ۷۰ زره کسانو ته رسېده چې له دغې ډلې څخه شاوخوا ۲۰ زره افغانانو په نیو ساوت وېلز ایالت کې استوګنه درلوده.
