د افغانستان اوسېدونکي له ویزې پرته د نړۍ ۲۶ هېوادونو ته سفر کولای شي

د افغانستان پاسپورټ ته د ۱۹۹ هېوادونو په درجه بندۍ کې وروستی ځای ورکړل شوی.

Afghanistan Passport.jpg

Credit: SBS Pashto / Mujeeb Muneeb

د هېنلي د پاسپورټونو په تازه درجه بندۍ کې د سنګاپور پاسپورټ یو ځل بیا د نړۍ تر ټولو با اعتباره او د افغانستان پاسپورټ تر ټولو کم اعتباره پاسپورټ پېژندل شوی دی.

د سنګاپور اوسېدونکي کولی شي د نړۍ ۱۹۵ هېوادونو ته له ویزې پرته سفر وکړي.

د پاسپورټونو په درجه بندۍ کې د فرانسې، جرمنې، ایټالیا، جاپان او هسپانیا پاسپورټونو دویم ځای خپل کړی چې اوسېدونکي یې کولی شي له ویزې پرته د نړۍ ۱۹۲ هېوادونو ته سفر وکړي.

د آسټرالیا پاسپورټ ته په تازه درجه بندۍ کې ۵ ځای ورکړل شوی او اوسېدونکي یې کولی شي ۱۸۹ هېوادونو ته بې ویزې سفر وکړي.
یاد لېست کې له افغانستان مخکې د سوریې، عراق، یمن او پاکستان نومونه لیدل کېږي.

د سوریې پاسپورټ لرونکي ۲۸، د عراق ۳۱، یمن ۳۳ او پاکستان اوسېدونکي هم ۳۳ هېوادونو ته پرته له ویزې سفر کولای شي.

سره لدې چې د پاسپورټونو په درجه بندۍ کې د افغانستان پاسپورټ د نړۍ تر ټولو کمزوری پاسپورټ معرفي شوی، خو د دغه هېواد اوسېدونکي کولای شي د نړۍ ۲۶ هېوادونو ته له ویزې پرته سفر وکړي.

دا په داسې حال کې ده چې د روان کال په پیل کې د دغې ادارې لخوا ویل شوي و چې د افغانستان اوسېدونکي د نړۍ ۲۸ هېوادونو ته بې له ویزې سفر کولی شي.
د هېنلي او پارټنرز ادارې، دغه لېست د نړیوال هوایی ټرانسپورټ ادارې (IATA) په مرسته برابر کړی دی.

د هېنلې او پارټنرز ادارې د معلوماتو پر اساس د افغانستان او سېدونکي له ویزې پرته لاندې هېوادونو ته سفر کولای شي.
  • بنګلدېش 
  • بروندي
  • کمبوډیا
  • کیپ ورډ ټاپوګانې
  • کومورو ټاپوګانې
  • کوک ټاپوګانې
  • جی بوتي
  • دومینیکا
  • ګینه بیسو
  • هایټي
  • کینیا
  • مکاو 
  • مدګاسکار
  • مالدیو
  • موریتانیا
  • میکرونیزیا
  • موزمبیک
  • نیوو
  • د پالاو ټاپوګانې
  • ساموا
  • رواندا
  • سیچیلیس
  • سومالیا
  • سریلانکا
  • تیمور - لست
  • توالیو
دغه معلومات د هینلې او پارټنرز ادارې له وېب پاڼې څخه ترلاسه شوي. د لا ډېرو معلوماتو لپاره مهرباني وکړئ د یادې ادراې له ویب پاڼې څخه لیدنه وکړئ: https://www.henleyglobal.com/passport-index

شریکول

2 د لوستلو وخت

خپور شوی په

اپډیټ شوی په

لخوا Mujeeb Muneeb

سرچینه: SBS


Share this with family and friends


Follow SBS Pashto

Download our apps
SBS Audio
SBS On Demand

Listen to our podcasts
Independent news and stories connecting you to life in Australia and Pashto-speaking Australians.
Ease into the English language and Australian culture. We make learning English convenient, fun and practical.
Get the latest with our exclusive in-language podcasts on your favourite podcast apps.

Watch on SBS
SBS World News

SBS World News

Take a global view with Australia's most comprehensive world news service