فهیم په افغانستان کې له آسټرالیایي ځواکونو سره د ترجمان په توګه دنده ترسره کړې. نوموړی له هغو کسانو څخه دی چې په لومړیو ورځو کې له کابل څخه متحده عربي اماراتو او له هغه ځای څخه د پرت ښار ته را وستل شوی.
په پرت ښار کې له دوه اوونۍ قرنطین وروسته هغه له خپلې کورنۍ سره تېره شپه د آسټرالیا ملبورن ښار ته رسېدلی ترڅو هلته خپل نوی ژوند پیل کړي.
فهیم تر دې وروسته څو اوونۍ په یوه لنډمهاله استوګنخي کې تېروي ترڅو د استوګنې لپاره کور پیدا کړي او تر هغې وروسته خپل نوی ژوند پیل کړي.
لا ډېر ولولئ
د اسټراليا بشري ويزې څنګه ترلاسه کيږي؟
د پناه غوښتونکو د منابعو د مرکز وکیله، کارولین ګرېډن وايي، معلومداره چې دوي د آرامښت احساس کوي، مګر د دوي لپاره مهمه داده ترڅو د کورنۍ پاتې غړي یې وژغورل شي.
آمنه هم د هغو کسانو له ډلې څخه ده چې په ورستي پرواز کې له کابل څخه ژغورل شوې. مګر طالبانو د هغې د کورنۍ غړي ندي پرېښې ترڅو هوايي ډګر ته دننه شي.
"دوی زما ورو، زما مور او پلار ونیول او دوی یې د دروازې هاخوا تګ څخه منع کړل. زه د دروازې یوې خوا ته وم، دوی په بلې خوا کې وه. طالبان ټوپکونه درلودل ، هغوی خلک وهل."
د نوموړې د کورنۍ غړي اوسمهال په کابل کې پټ دي او نشي کولای بېرته خپلې سیمې ته ستانه شي.
"زه وتوانیدم چې دوبۍ ته ولاړه شم، زما د کورنۍ غړي شاته پاتې شول. زما پلار، زما ورو او خویندې، دا ټول - زه نشم کولی د دوی د ژغورلو لپاره بیرته لاړه شم."
د پناه غوښتونکو د منابعو د مرکز وکیله، کارولین ګرېډن وايي دغه اداره اوسمهال په ورځ کې د شاوخوا ۴۰۰ داسې کسانو زنګونه ترلاسه کوي چې د کورنۍ غړي یې په افغانستان کې بند پاتې دي.
ASRC Principal Solicitor Carolyn Graydon. Source: Supplied
تېره میاشت د آسټرالیا حکومت اعلان وکړي چې په روان کال کې به ۳۰۰۰ زیانمو افغانانو ته د بشردوستانه پروګرام له لارې ویزې ورکړل شي او د دغو ویزو شمېر د کال په جریان کې شاید زیات شي.
د آسټرالیا د کډوالو چارو وزیر، الیکس هاوک تېره میاشت د اس بي اس پښتو راډیو له خبریال مجیب منیب سره په مرکې کې ویلي وه چې د روان کال په پروګرام کې افغانانو ته لومړیتوب ورکول کېږي.
