نن سهار د کابل تيمني سيمه کې د ولسمشر مرستيال امرالله صالح د موټرو پر کاروان بمي بريد وشو او نوموړی له بريد څخه روغ وتلی.
د امرالله صالح د دفتر وياند رضوان مراد د ياد بريد پخلی کوي او وايي، د افغانستان دښمنانو يو ځل بيا کوښښ وکړ ترڅو صالح ژوبل کړي ولې هغوی خپلو شيطاني غوښتنو ته ونه رسيدل.
ښاغلي رضوان رويټرز خبرې شبکې ته ويلي، په نني بريد کې ښاغلی صالح ته زيان ندی رسيدلی ولې د ښاغلي ساتونکي ټپيان شوي.
د روغتيا وزارت ويلي، تر دې دمه دوه مړي او اوه ټپيان روغتون ته وړل شوي.
شریکول
