نړۍ کې د ډيموکراسی شاخص ته کتنې وروسته موندل شوي چې يوازې ۶.۶ سلنه د نړۍ له نفوس څخه په بشپړ ديموکراسی کې ژوند کوي.
Economist Intelligence Unit ادارې نړۍ کې ديموکراسی څيړنې وروسته دا هم موندلې چې د ټول نفوس دريمه برخه بيا داسې رژيمونو لاندې ژوند کوي استبدادي دي.
اسټراليا په نړۍ کې بيا نهم ځای لري چې خلک يې بشپړې ديموکراسی کې ژوند کوي، انګلستان ۱۸ ځای لري او بيا امريکا ۲۶ ځای خپل کړی.
افغانستان کې د طالبانو واکمنۍ او بيا ميانمار کې پوځي کودتا وروسته دواړه هيوادونه د نړۍ تر ټولو بدې ډيموکراسی هيوادونه نومول شوي.
ميانمار هيواد په کال ۲۰۲۰ کې ۱۳۵ ځای درلود او اوس ۱۶۶ ځای لري، افغانستان په ۲۰۲۰ کال کې ۱۳۹ ځای درلود او اوس بيا ۱۶۷ هيواد نومول شوی. افغانستان او ميانمار څخه يوه درجه لاندې بيا شمالي کوريا هيواد دی چې ۱۶۵ ځای يې خپل کړی.
نوې څيړنه کې دا هم راغلي چې د کرونا ويروس وبا د نړۍ نفوس آزادي له ستر ګواښ سره مخ کړې.
۳۰۲۰ کال په رپوټ کې د نړۍ ۲۳ هيوادونو وګړي چې د ټولې نړۍ نفوس ۸.۴ سلنه جوړوي بشپړې ديموکراسی کې ژوند کوي.
ولې ۲۰۲۱ کال کې بيا د ۲۱ هيوادونو وګړي چې د نړۍ نفوس ۶.۶ سلنه جوړوي بشپړې ديموکراسۍ کې ژوند کوي.
۱۶۷ هيوادونو باندې ترسره شوې څيړنه کې ناروې، اسټراليا، نيوزيليند،فنلينډ، سويډن، ايسلينډ، ډينمارک، ايرلينډ، ټايوان او سويس د نړۍ لس غوره هيوادونه ګڼل شوي چيرې چې د نفوس ډيره برخه يې ديموکراسی کې ژوند کوي.
