پاکستان ته سعودي عرب وليعهد شهزاده بن سلمان سفر دوران کې د دواړو هيوادو تر مينځ ۲۰ ميلياردو ډالرو په ارزښت يو لړ تړونونه لاسليک شوي.
دا سفر داسې مهال کيږي چې هند او ايران دواړو هيوادو په يو وار پاکستاني حکومت پدې تورن کړی چې ياد هيواد کې ترهه ګرو ډلو خلاف چلن نه کوياو هغوی ته پټنځايونه ورکوي.
هند د پاکستان خلاف د سخت چلن ګواښ له هغه وروسته وکړ چې کشمير سيمه کې پر هندي پوځيانو ځانمرګۍ بريد له امله ۴۲ هندي پوځيان ووژل شول او ګڼ شمير نور ټپيان شول.
د ياد بريد مسوليت پاکستان کې مذهبي ډلې جيش محمد پر غاړه واخيست.
هند د ياد بريد غچ اخيستلو ګواښ کړی او ويلي دي چې پاکستان به منزوي کړي.
بيا بله خوا د پاکستان او ايران پر پوله پر ايراني پوځيانو ځانمرګۍ بريد شوی او د ايران سپاه پاسداران انقلاب ۲۷ پوځيان وژل شوي.
د ايران پوځي چارواکي وايي چې ياد بريد پاکستان کې طرحه شوی او پاکستان کې ترهه ګرې ډلې جيش العدل ياد بريد ترسره کړی.
ايران پاکستان ته خبرداری ورکړی چې که نږدې راتلونکې کې د يادې ډلې خلاف عملي چلن ونه کړي نو د ايران له کلک غبرګون سره به مخ شي.
هند او ايران پاکستان ترهه ګرو ډلو پر ملاتړ تورنوي، ولې بيا بله خوا پاکستان دا تورونه په کلکه ردوي.
د ايران او هند بهرنيو چارو د وزارت مرستيالانو د شنبې په ورځ ناسته کړې او ترهه ګرۍ خلاف پر همکارۍ يې خبرې کړي.
د ايران بهرنيو چارو وزير مرستيال سعيد ارغچي رسنيو ته ويلي چې دواړو هيوادو ترهه ګرۍ خلاف پر همکارۍ هوکړه کړې او نور ترهه ګرۍ کړنۍ دوی لپاره د زغملوندي.
بله خوا د پاکستان بل ګاونډی هيواد افغانستان هم ملګرو ملتونو ته د پاکستان او طالبانو د ټاکل شوي ناستې خلاف شکايت وکړ.
پاکستان طالبانو ته رسمي بلنه ورکړې وه ترڅو اسلام آباد کې سره ناسته وکړي او دا هم په پام کې وه ترڅو د پاکستان لومړی وزير عمران خان له طالبانو سره وګوري ولې د افغانستان لخوا ملګرو ملتونو ته شکايت وروسته دا ناسته لغوه شوه.
دا لومړی ځل دی چې پاکستان خلاف په يو وخت کې د ياد هيواد درې ګاونډي هيوادونه شکايت کوي او ياد هيواد د ترهه ګرو په ملاتړ تورنوي.
دوه ورځې وړاندې د امریکا متحدو ایالتونو پر پاکستان غږ کړی، چې په خپله خاوره کې د ترهګرو پټنځي سم لاسي ختم کړي او د ټولو هغو ترهګرو ډلو له ملاتړه لاس واخلي، چې له پاکستانه په سیمه کې ترهګریز فعالیتونه سمبالوي.
