د افغانستان به لدې وروسته د نورو لويو لوبډلو سره لوبيدو چانس ډير وي. د بشپړ غړيتوب ترلاسه کولو وروسته افغانستان به د کريکټ نړيوالې شورا څخه د کال شاوخوا ۵۰ ميليونه ډالر ترلاسه کوي چې دا به افغانستان کې د کريکټ ودې لپاره وکارول شي.
دا د افغانستان کريکټ تاريخ کې تر ټولو ستره لاسته راوړنه ده.
د افغانستان بشپړ غريتوب لپاره د ولسمشر محمد اشرف غني تر څنګ د نړۍ وتلو څيرو هم مبارکي ويلي.
د افغانستان او ايرلينډ لوبډلو بشپړ غړيتوب ترلاسه کولو وروسته اوس د بشپړ غړيتوب هيوادو شمير ۱۲ ته لوړ شو.
بي بي سي
کرېکټ کې د افغانستان پرمختګ خورا چټک او بې ساری و. د دغه هېواد د کرېکېټ بورډ يوازې ۱۹۹۵ کال کې پښتونخوا کې د مېشتو افغان کډوالو له لوري جوړ شوی و.
په ۲۰۰۴ کال کې یې د اسيا کرېکټ شورا کې لومړۍ سيالۍ وکړې، شل اوريزو نړيوالو اتلوليو کې يې لومړی ځل ۲۰۱۰ کې ګډون وکړ.
په ۲۰۱۱ کال کې د يو ورځنيو نړيوالو سياليو بشپړ دريځ ته ورسېد، او په ۲۰۱۳ کال کې د کرېکېټ نړيوالې شورا اسوشيېټ يا شريک غړی شو.
په ۲۰۱۴ کال کې یې د هند، پاکستان، سريلانکا او بنګله دېش په ګډون د اسيا اتلولۍ کې سيالي وکړه، او بنګله دېش ته يې يوه لوبه کې ماته هم ورکړه.
افغان کرېکټ ملي لوبډلې تېرو څو کلونو کې اوچت ګامونه اخيستې، په ځانګړي ډول د تېر ۲۰۱۶ کال شل اوريزو نړيوالو اتلوليو کې چې هند کې کېدې، افغان کرېکټ لوبډله په کې سوپر ټن يا د سر لسو لوبډلو ته وخته او وېسټ انډيز ته يې هم ماته ورکړه، چې دغه هېواد يې درجه بنديو کې نور هم مخکې کړ.
