۳۴ کلنه مينا ذکي افغانستان کې زيږيدلې او ۷ کلنۍ کې له خپلې کورنۍ سره اسټراليا ته کډواله شوې.
نوموړې خپل خاوند او دريو ماشومانو سره د اسټراليا پلازمينه "کنبيرا" کې ژوند کوي.
مينا ذکي د ليبرال ګوند غړې او راتلونکو ټاکنو لپاره د ياد ګوند لخوا پلازمينې کنبيرا څوکۍ لپاره کومه چې دا مهال د ليبر ګوند لاس کې ده نومانده ده.
اغلې ذکي هغه وخت د رسنيو پام ځانته واړاوه کله چې دده پر دوه تابعيت لرلو او افغان تابعيت لغوه کولو مسلې سوالونه پورته شول.
د اسټراليا قانون له مخه هر نوماندان بايد يوازې د اسټراليا تابعيت ولري او خپل دويم تابعيت له نوماندې مخکې لغوه کړي.
د ګارډين ورځپاڼې له مخه اغلې ذکي د روان کال اپريل مياشت په ۱۶ نيټه خپل افغاني تابعيت لغوه کولو اعلان کړی ولې هغه اسناد او معلومات چې د استراليا ټاکنو کميسيون ته سپارل شوي او هم په افغاني قانون کې تابعيت لغوه کولو په اړه شتون لري ويل کيږي چې ياد کار لپاره نور طی مراحل او وخت ته اړتيا ده.
دا لومړۍ ځل دی چې پدې دور ټاکنو کې له نوماندانو غوښتل کيږي ترڅو يو چک ليسټ ډک او لاسليک کړي، ياد چک ليسټ کې نورو پوښتنو ترڅنګ له نوماندانو د دويم تابعيت لرلو په اړه پوښتنه کيږي؟
مينا ذکې لومړنۍ افغان ميرمن ده چې د اسټراليا فدرال ټاکنو کې د واکمن ګوند لخوا يوې مهمې څوکۍ لپاره نومانده کيږي.
اسټراليا کې د پارلمان فدرالي ټاکنې د روانې می مياشت په ۱۸ نيټه ترسره کيږي.
