د آسټرالیا د امامانو ملي شورا لخوا په یوې خپرې شوې اعلامیې کې راغلي چې د روانې اپریل میاشتې ۱۰مه نېټه (د چهارشنبې ورځ) په آسټرالیا کې د کوچني اختر لومړی ورځ ده.
په اعلامیې کې راغلي چې د سه شبنې ورځ (د اپریل ۹) د روژې مبارکې میاشتې وروستۍ ورځ ده.
دغه شورا وايي د فتوا شورا ته نړیوالو او کورنیو څارونکو تایید کړې چې نوې سپوږمۍ د سه شنبې په ورځ د سهار په ۴ بجو او ۲۰ دقیقو په سیډني کې پیدا کېږي.
د آسټرالیا لوی مفتي ډاکټر ابراهیم ابو محمد او د امامانو د ملي شورا غړو په آسټرالیا کې مېشتو مسلمانانو ته له خوښیو د ډک اختر هیله څرګنده کړې او د مسلمانانو ټولنه یې هڅولې ترڅو له خپلو ګاونډیانو او ملګرو ته د اسلام ریښتینی او سوله ایز انځور وښيي.
زموږ خپرونه دلته پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
