د اسټراليا نوي حکومت لاندې ډیری میرمنې لوړ پوړو رولونو ته پورته شوي، او په يادو ميرمنو کې این الی لومړنۍ مسلمانه ښځه ده چې د استرالیا په وزارت کې خدمت کوي.
اين الي اصل کې مصرۍ اسټراليايي ده او په کال ۲۰۱۶ کې يې د ليبر ګوند غړيتوب ترلاسه کړی وه چې وروسته وتوانيدله چې د اسټراليا لويديځ اسټراليا کوان سيمې څخه پارلمان ته لار پيدا کړي.
لومړي وزیر انتوني البنيزي خپله نوې کابینه اعلان کړه او اعلان یې وکړ چې د ليبر ګوند د مشرتابه ټیم کې به د ریکارډ په شمیر میرمنو ته ځای وي.
ښاغلي البنيزي وویل چې د مشرتابه په ډله کې به ۱۰ ښځې په کابینه کې، ۱۳ د وزارت په لیکه کې او شپږ نورې په بهرنۍ کابينه کې شاملې وي.
هغه د سه شنبې په ورځ په کانبرا کې خبریالانو ته وویل، «دا د هغو ښځو تر ټولو لوی شمېر دی چې تر اوسه یې د اسټرالیا په کابینه کې کار کړی دی.
دا پداسې حال کې ده چې د ليبر ګوند پارلمان کې اکثريت ترلاسه کړ او د نورو وړو سياسي ګوندونو او يا خپلواکو نوماندانو ملاتړ ته اړتيا نه لري.
په لوړ پوړو پوستونو کې به میرمنې پیني وانګ د بهرنیو چارو وزیرې په توګه شاملې وي، او همدارنګه کلیر او نیل د کورنیو چارو او سایبر امنیت وزارت ته ونومول شو.
تانیا پلیبرسیک به د چاپیریال او اوبو وزیره شي.
لینډا برني به د آسټرالیا په کابینه کې لومړنۍ میرمن وي چې د آسټرالیا د بومي خلکو د چارو د وزیر په توګه لوړه وکړه او دا پداسې حال کې چې سناتور پیټریک ډوډسن به د پخلاینې او د زړه څخه د الورو بیان پلي کولو لپاره د ځانګړي استازې په توګه دنده ترسره کړي.
د استرالیا د ټاکنو کمیسیون (AEC) شمیرنې له مخې د ليبر ګوند د استازو په مجلس کې د 77 څوکیو ګټلو په لاره کې دی.
