د روانې اوونۍ د چهارشنبې په ورځ (د آګسټ ۳۰مه) د آسټرالیا لومړي وزیر، انتوني البنیزي د بومي آسټرالیایانو د 'غږ' ټولپوښتنې نېټه اعلان کړه.
ښاغلي البنیزي په اډېلېډ ښار کې اعلان وکړ چې ټولپوښتنه به د اکټوبر د میاشتې په ۱۴مه نېټه ترسره شي.
د آسترالیا د ټاکنو کمیسیون وايي، د ټاکنو د ترسره کولو لپاره شاوخوا ۱۰۰ زره کارکوونکو ته په ټوله آسترالیا کې اړتیا لري.
ډیری کارکوونکي د یوې ورځې لپاره پر دنده ګمارل کېږي او ټریننګ هم ورکول کېږي، مګر یو شمېر کارکوونکي د څو اوونیو لپاره پکار دي.
د ټاکنو کمیسیون کمیشنر، ټام راجرز وايي په ریفرنډم کې کار کول به د هغو کسانو لپاره ارزښتناکه تجربه وي چې بیا غواړي کار وکړي او د ځینو لپاره به د اضافي پیسو ګټلو لاره وي.
هغه وايي: " دا د پیسو په بدل کې کار دی. اضافه پیسې ترڅو د بېلونو د ورکړې، د یو ښه پلان یا هم د کریسمس د تیارۍ لپاره ورڅخه کار واخیستل شي."
"دا به یو ځانګړی فرصت وي ترڅو د دې پیړۍ په لومړي فدرالي ریفرنډم کې کار وکړئ او ستاسو د کاري سوانحو په لېسټ کې به خورا نادره تجربه اضافه کړي."
د لا ډېرو معلوماتو لپاره مهرباني وکړئ د آسټرالیا د ټاکنو کمیسیون له وېب پاڼې څخه لیدنه وکړئ.
زموږ د فیسبوک پاڼې له لارې د مرکو او راپورونه اورېدولو ته دوام ورکړئ.
د آسټرالیا د تازه خبرونو او په زړه پورو موضوعاتو لپاره همدا اوس زموږ ویب پاڼې ته ولاړ شئ.
که چېرې غواړئ په انګلیسي ژبه زموږ خپرې شوې مقالې ولولئ، مهرباني وکړئ دلته کلیک کړئ.
زموږ خپرونه دلته زمونږ پر ویب پاڼه یا هم د اس بي اس پر اپلیکیشن واورئ. تاسو کولای شئ د اس بي اس اپلیکیشن په وړیا توګه له اپل سټور یا ګوګل پلې څخه ترلاسه کړئ.
