د اسټراليا لومړي وزير سکاټ موريسن د يادې نيټې اعلان نن سهار وکړ.
له ياد اعلان سره د اسټراليا پارلمان منحل شو او د پارلمان نوو غړو ټاکنو پورې به حکومتي چارې د عامه کاريګرو لخوا پر مخ وړل کيږي.
د اسټراليا ليبر ګوند بيا د لومړي وزير سکاټ موريسن لخوا د ټاکنو نيټې اعلان باندې نيوکه کړې او ويلي دي.
ليبر ګوند وايي چې که اعلان د يکشنبې په ورځ شوی وای نو په سنا مجلس کې به د حکومت اداني معدن کيندنې او هم Murry Darling سيند کې د کبانو وژنې پر موضوع له حکومت څخه پوښتنې کيدلی.
د می مياشت پر ۱۸ نيټه به اسټراليايان ۱۵۱ د پارلمان وکيلان او ۳۳ سناتوران ټاکي.
هر هغه ګوند چې ډيرې د پارلمان څوکۍ وګټي هغه به راتلونکو څلورو کلونو لپاره حکومت جوړوي.
يو ګوند ته پکار ده ترڅو حکومت جوړولو لپاره ۷۷ څوکۍ وګټي.
دا مهال ايتلافي ګوند ۷۴ پارلماني څوکۍ لرلې ولې بله خوا ليبر ګوند بيا ۶۹ څوکۍ خپلې کړې وې.
