اسټراليا کې له 60,000 څخه ډیر غیر قانوني مهاجر په پټه ژوند کوي چې ډيره کې همدا کسان سیلانيان دي او يا هغه زده کوونکي دي کوم چې د ویزو وخت ختميدو وروسته اسټراليا کې پاتې کيږي او بيرته خپلو هيوادو ته نه ستنيږي..
۱: د اسټراليايي حکومت داخلي رپوټ خپريدو سره ښکاري چې دا مهال اسټراليا کې شاوخوا ۶۲،۹۰۰ مهاجر غير قانوني استوګنه لري.
۲: پدو غير قانوني مهاجرو کې ډيرې يې سيلانيان دي او هم هغه بهرني زده کوونکي کوم چې زده کړې لپاره اسټراليا ته راځي او ويزو ختيميدو وروسته يې بيرته خپلو هيوادو ته نه ځي.
۳: د اسټراليا د داخلي چارو وزارت وايي چې يادو مهاجرو موندولو او راتلونکې کې دداسې پيښو مخنيوي لپاره به د چک کولو سخت تدابير م وړاندې کړي.
۴: نوي رپوټ کې ښودل شوي چې د اسټراليا مهاجرت ادارې کار کوونکي پدې ندي توانيدلي ترڅو د غير قانوني مهاجرو مخه ونيسي او يا يې پيدا او بيرته خپلو هيوادو ته يې واستوي.
له 60 زرو څخه ډیر غیر قانوني مهاجر په استرالیا کې ژوند کوي، چې ډیری یې د ویزو پلورونکي دي دا پدې معنی چې کار او پيسو پيدا کولو لپاره اسټراليا کې غير قانوني ژوند کوي.
د رپوټ له مخه يو ډير شمير سيلانيان او هم بهرني زده کوونکي چې اسټراليا ته راځي او بيا يې د ويزو وخت ختميږي نو د لا ډير کار کولو او پيسو پيدا کولو لپاره غير قانوني ډول سره اسټراليا کې پاتې کيږي او خپلو هيوادو ته نه ستنيږي دوی دا ټول خطر پر ځان قبلوي او په پټه اسټراليا کې ژوند کوي.
که چيرې همدا غير قانوني مهاجر اسټراليا کې ونيول شي او بيرته يې هيوادو ته ډيپورټ شي بيا هم دا د مهاجرو په ګټه ده ځکه چې همدې مهاجرو غير قانوني اوسيدو دوران کې ډيرې پيسې پيدا کړې وي او بيرته هيوادو ته يې تګ دوی ته کوم تاوان نه رسوي.
د 620000 غیرقانوني مهاجرینو دریمه برخه هیواد ته د سياحت پر ويزو راغلي کسان دي او بيا سلنه نور يې محصلین دي.
د اسټراليا نوي کورنیو چارو وزارت چارواکي د سختو معلومولو او چک کولو غوښتنه کوي چې دوی په دې وتوانیږي چې اسټراليا کې ميشت غير قانوني مهاجر پيدا کړي.
اسټراليا کې د غير قانوني مهاجرو ډله کې داسې کسان هم شته چې په پټه له تيرو لسو کلونو راهيسې ژوند کوي او شاوخؤا ۱۸،۷۵۰ مهاجر بيا له پينځلسو کلونو راپديخؤا اسټراليا کې غير قانوني ژوند کوي او هغؤی خپلو ويزو ختميدو وروسته بيرته افغانستان ته ندي تللي او نه حکومت توانيدلی چې هما کسان ونيسي او بيرته يې هيوادو ته وليږدوي.
چین او ملائیشیا د ناقانونه مهاجرینو څلورمه برخه کسان جوړوي، او د انګلستان څخه 5170 امریکا څخه بيا 3680 وګړي چې اسټراليا ته بيلابيلو ويزو سره راغلي د ويزو ختميدو روسته دوی بيرته خپلو هيوادو ته ندي تللي او دلته اسټراليا کې غير قانوني ژوند کوي.دي.
ځینې د دې هدف هم لري چې اسټراليا کې لسیزې لپاره ووسيږي او بيا وروسته خپلو ماشومانو له مخه د اسټراليا طابعته ته غوښتلنيک ورکړي او طابعت ترلاسه کړي.
Trainee steelworker Taylor Rainik at One Steel in Melbourne, Tuesday, April 30, 2013. (AAP Image/Julian Smith) NO ARCHIVING Source: AAP
په رپوټ کې راغلي چې د اسټراليا د کورنیو چارو وزارت چارواکي غواړه چې د اسټراليا هوايي ډګرونو کې بايد د چک طې مراحل لا سخت شي ترڅو د غير قانوني مهاجرو راتګ مخه ونيول شوي، حک چې د چارواکو په وينا داسې کسان هم شته چې خپل نوم بدلولو سره بيرته کوښښ کوي چې اسټراليا ته داخله شي.
د اسټراليا کورنيو چارو وزارت وايي چې د اسټراليا ماليي ادارې، د ټولنيزو خمدتو ادارې سره په ګډه کار کوي ترڅو هغه کسان پيدا کړي کوم چې اسټراليا کې غير قانوني اوسيږي او هم هغو کاروبارونو ته به سخته جريمه ورکول کيږي کوم چې همدې مهاجرو ته په پټه کار ورکوي.
د اسټراليا کورنيو چارو وزارت وايي چې اسټراليايي بانکونو کې حساب پرانيستلو، او يا کور په کرايه نيسي، يا هم د موټر چلولو لايسنس اخلياو يا هم خپل ماشومان DayCare کې پالنې لپاره ورکوي لدې لارو څخه به مونږ غير قانوني مهاجر پيدا کوي.
