د Arab News رپوت له مخه ويل شوي، افغان حکومت يونيسکو له ادارې څخه غوښتي ترڅو د افغانستان ملي اتڼ دې د ميراثونو په ليسټ کې شامل کړي،
اتڼ د افغانستان ملي نڅا ده چې د تاريخ په اوږدو کې افغانانو به جګړې څخه مخکې او هم وروسته اټن کاوه.
د افغانستان اطلاعاتو او فرهنګ وزارت چارواکې محبوبې بابکرخيل له Arab News سره خبرو پر مهال ويلي" ددې ميراث ساتلو او نورې نړۍ سره شريکولو په موخه مونږ اتڼ له ملګرو ملتونو يونيسکو ادارې سره ثبت کوو.
د ياد وزارت وياند صابر محمد وايي، افغان حکومت د يونيسکو ادارې ټول شرايط پوره کړي ترڅو اتڼ راجسټر کړي او هيله مند دی چې اتڼ به نړيوال ځای خپل کړي.
د اتڼ تاريخ ۳۰۰۰ کلونو پخوا ته رسيږي او پخوا د جنګياليو له جګړې څخه مخکې هڅونې لپاره به له اتڼ څخه کار اخيستل کيده.
اتڼ افغانانو او ټوله کې پښتنو لپاره ميراثي او وياړلی حيثيت لري او د ټول عمر خلک دا ملي نڅا کولی شي.
خوست کې قومي مشر شفيق الله منګل Arab News سره خبرو دوران کې وويل " اتڼ زمونږ وياړ او تاريخ دی. اتڼ کول ستونزمن دی ولې که يو ځل د چا زده شي بيا په عمل بدليږي.
