د خیبر پښتونخوا په باړې سیمه کې د پولیسو پر یوې تهاڼې ځانمرګی برید ترسره شوی او مرګ ژوبله یې اړولې ده.
راپورونه ښيي چې تر دې دمه په یاد برید کې درې تنه پولیس وژل شوي او تر ۱۰ زیات ټپیان دي. په ټپیان کې دوه تنه عام وکړي هم شامل دي.
د دغې پېښې په اړه د خیبر پښتونخوا د پولیسو مشر اختر حیات وايي چې د جون پر ۱۳لسمه نېټه پولیسو ته د دغه برید په اړه خبر ورکړی شوی وه.
د پولیسو دغه تهاڼه د باړې په تاریخې سوداګریز مرکز کې موقعیت لري او د سیمې د ځایي چارواکو دفترونه هم په دغې ودانۍ کې شتون لري.
د دغې پېښې په اړه عیني شاهدان وايي چې په بازا کې په خپلو کارونو بوخت وه چې په پرله پسې توګه یې د دوو چاودونو غږونه واورېدل او له هغې وروسته د ډزو غږونه پیل شول.
شریکول
