د آسټرالیا د کرېکټ ملي لوبډلې یو ځل بیا د کرېکټ نړیوالې شورا (ICC) د یو ورځنیو لوبو په درجه بندۍ کې لومړی ځای خپل کړ.
د آګسټ د میاشتې په وروستیو کې د افغانستان او پاکستان د کرېکټ د ملي لوبډلو ترمنځ درې یو ورځنۍ لوبې په سریلانکا کې ترسره شوې او پاکستان درې واړه لوبې وګټلې.
افغانستان څخه د لوبو له ګټلو وروسته پاکستان د کرېکټ د یو ورځنیو لوبو په نړیواله درجه بندۍ کې لومړی ځای خپل کړی وه.
اوسمهال د آسټرالیا او سویلي افریقا د ملي لوبډلو ترمنځ پنځه یو ورځنۍ لوبې ترسره کیږي.
د دغه سیریز دویمه لوبه تېره ورځ ترسره شوه. آسټرالیا په ۵۰ اورونو کې سویلي افریقا ته ۳۹۳ منډې هدف ټاکلی وه، مګر سویلي افریقا دغه هدف پوره نکړ او آسټرالیا د ۱۲۳ منډو په توپیر سره لوبه وګټله.
د دویمي یو ورځنۍ لوبې له ګټلو وروسته آسټرالیا بېرته د یو ورځنیو لوبو په درجه بندۍ کې لومړی ځل خپل کړ.
د کرېکټ نړیوالې شورا د یو ورځنیو لوبو په درجه بندۍ کې پاکستان دویم، هند دریم، نوی زیلنډ څلورم او افغانستان نهم ځای لري.
