د اسټراليا مسلمانانو شورا ګانو فدراسيون لخوا عبدالقدس الاظاري د نوي مفتي اعظم په توګه معرفي اعلان شو.
د يادې پريکړې په غبرګون کې د اسټراليا امامانو ملي شورا چې بر حاله مفتي اعظم يې اسټراليا لپاره ټاکلی د ياد عمل غندلو ترڅنګ يې ويلي د دوه سترو مفتيانو شتون له قانون او اسلامي اساساتو لرې عمل دی.
اسټراليا کې دواړه بنسټونه د مسلمانانو استازولي کوي ولې د دواړه ډلو ترمينځ له ډيرې مودې راهيسې پر ځينو مسايلو کې اختلافات شتون لري.
د دويم مفتي اعظم ټاکل کيدلو وروسته دواړه بل پر غير قانوني دريځ تورنوي.
د AFIC ادارې ويلي، د مفتي اعظم ټاکلو برخه کې يې د اسټراليا امامانو شورا سره له کلونو خبرې او ناستې کړي ولې دې ټولو ناستو پايلې ندي لرلي نو ځکه دوی پريکړه وکړه چې خپل مفتي وټاکي.
ياد فدراسيون وايي، اسټراليا کې د مفتي ټاکل کيدو پروسه دوی لپاره د منلو نده او څو وارې يې د اسټراليا امامانو ملي شورا سره خپل شکايت شريک کړی.
د اسټراليا مفتي اعظم سلاکار سميع بن قاعد له مسلمانانو غوښتي ترڅو دې خپل پام روژې او عبادتونو ته کړي او د نوي مفتي ټاکل کيدو بې ارزښته خبر ته دې پام نه ګرځوي.
د اسټراليا امامانو شورا وايي، له نورو اسلامي بڼسټونو سره به خبرو لپاره ټولې لارې پرانيستې وي ولې د اسټراليا مفتي اعظم چې پخوا د ۲۰۰ امامانو لخوا ټاکل شوی خپل کار ته ادامه ورکوي.
